السلام عليكم ورحمة الله وبركاته ... وشلونكم عساكم طييبين ...يالله يارب ان تحييهم... اقلطوا قلطوا..!!! القهوة يا صرقوووعة<<<والا صح بنات اخر زمن ما يعرفون للامور هذي خخخخخخخخخخ الحمد لله ان الموضوع موب بقسمها والا كان حذفت الموضوع ههههههههههههههههاي المووووووهم...
مرة من المراريت ...وانا في ربوع جامعتي جامعة الكنيق سعود يونيفيرسيتي KSU
كان علينا محاضرة يدرسنا هندي :مادة الانجليزي من الساعة 3 إلى 4:40 العصر -_-
طبعا وانا جالس واسمع للدكتور بكل ما اوتيت من طفش وكآبه محاضرة مدتها ساعة و 40 دقيقة
لفيت رقبتي يمين وانا فيني نوم واشوف خويي مدخل جواله تحت الكتاب ويلعب ...قلت خل اوسع صدري واشوف اللعبه ...
بالاخير اكتشفت ان اللعبه اللي يلعبها خويي تطفش اكثر من الاستاذ ومحاظرته... تذكرت .!!! عندي لعبة فنتكة روعه خطيره ..!!!
طبعا عشان ما اتورط قلت لخويي ....أف بس ..!! وش ذا اللعبه البايخه اللي تلعبها..!! يا ربييه ..!! مقدر اتحمل..!! وهـ بس..!! كل شي بس ..!!
قال هات وش عندك ..قلت عطني جوالك واخذ جواله وارسل له اللعبة ..المهم بدأ يلعب فيها وتحمس وصار يلعب ولا يحس بنفسه إلى ما جاء الدكتور وكفشه ..
فقال الدكتور له: put your mobile inside your pocket please الترجمة: دخل جوالك لا الحين اقوم والعن جدفك ياللي ما تستحي على وجهك<<لا عمرك تترجم بس
مرت الأيام والسنون<<<سنون والا ضروس يا نصاب ما مر الا اسبوع
وبعد اسبوع قال خويي شف مكتوب باللعبه انك تقدر تلعب لاعبين قلت ايه ادري قال وش رايك نلعب بالمحاضرة قلت قدااااااام
المهم يوم جت محاضرة الانجليزي المطفشه اللي تجيب الصمرقع والطوااعين..!! وطلعنا الكتب ..ودخلنا الجوال تحت الكتب وصرنا نلعب لاعبين عن طريق البلوتوث <<<لا تجربونها يا حقين المتوسط والثانوي توكم توكم اذا كبرتوا ^_^"
الدكتور يناظرنا يقول وش ذا المثقفين يقرون بالكتب طول هالمده ومنزلين روسهم وعيونهم عالكتاب ..تف تف تف ما شاء الله عيلنا
ومرت المحاضرة سرييييعة كالبرق بفضل الله ثم بفضل هذي اللعبه ..
وصرنا كل محاضرة انجليزي نلعب هاللعبة بهناء وسلام وعشنا بعدها بسعادة وهناء <<<منظر لي انا وخويي نمشي لم الشمس وماسكين يدين بعض ثم +-+-النهاية-+-+
حشى صارت قصه ما صار موضوع بقسم الجوالات خخخخخخخخخخخخخ الزبدة :ادري اني سويت زحمة على اللعبه ومدحتها مدح موب طبيعي <<المفروض الشركة اللي مسوية اللعبة يعطوني مكافأة على اعلاني هاذا.. اخليكم مع اللعبة..
صور للعبة:
ولتحميل اللعبة : اضغط على اسم اللعبة تبع الجهاز اللي يصلح لك بالاحمر
القهوة يا صرقوووعة<<<والا صح بنات اخر زمن ما يعرفون للامور هذي خخخخخخخخخخ
اسنع منكـ ,,
إقتباس:
ما اوتيت من طفش وكآبه محاضرة مدتها ساعة و 40 دقيقة
فرحت من صماام قلبي
إقتباس:
لفيت رقبتي يمين وانا فيني نوم واشوف خويي مدخل جواله تحت الكتاب ويلعب
ياحضك عندك رقبه تنلف
حنا بس راسنا نقدر نلفه
ولا اذا صاار فيك نووم تصير حااله شااذه ..
إقتباس:
بالاخير اكتشفت ان اللعبه اللي يلعبها خويي تطفش
ماشاء الله عليك الله لايضرك ..
حلو اكتشاافك
إقتباس:
....أف بس ..!! وش ذا اللعبه البايخه اللي تلعبها..!! يا ربييه ..!! مقدر اتحمل..!! وهـ بس..!!
إقتباس:
كل شي بس ..!!
ياااااااي يااربي
^^
با الله ذكرت من زماااااان وهـ بس
إقتباس:
نمشي لم الشمس وماسكين يدين بعض
ابوو السعااده والهنااء عشاان الشمس
يسلمك ربي من كل شر ..
التوقيع
اللهم إنك تعلم اننا اجتمعنا في هذا المنتدى على محبتك وفي طاعتك واسألك باسمائك الحسنى ان تجمعنا في الدنيا على الخير و بالآخرة في جنات النعيم فاللهم اجعلنا ممنن يستظلون بظلك يوم لا ظل إلا ظلك
[ اللهم آمين ] ..
آخر تعديل بواسطة ~..المـااس..~ ، 07-05-2008 الساعة 01:32 م.
أنت غير مسجل في منتديات العاب العب. للتسجيل الرجاء اضغط هنـا 
SuperMiners أفضل لعبة جوال على الإطلااااااق ^_^ 
<<لا تصدقون بس
