طيقه عمل ربيان

اولا حبيت اقدم نفسي لكم بشكل دسم سوري ههه بطبق دسم بس هو بصراحه ماحطيت فيه دهن الا رشه
سويت غداي اليوم ربيان بالكريمه والله ما اادري وش اسميه
المهم اتلحست الصينيه
ما اطول عليكم
المقادير :ربيان منظف ومغسل ومسحوب منه الخيط الاسود الي بالظهر
وعليه خل وعصرة ليمون وانا مبهرة من زمان ومجمدة والبهار هو(ثوم مفروم وكمون وكزبره وفلفل اسود وقرفه وقرنفل وليمون اسود مطحون وكاري وملح وكركم على قد ما تحبوا حطوا)
-بصل شرائح+ثوم وزنجبيل اخضر مفروم
-طماطم وفلفل اخضر مكعبات وكزبره خضراء مقطعه+جزر زبطاطس مكعبات وبهارات(كاري وكمون وكزبره وفلفل اسود ) ورشة (كركم وقرفه وليمون وقرنفل وجوزة الطيب مبشوره فرش )
وانتبهي الربان اذا فرش ما تحطي من البهارات هذي على الصلصه واجد اذا كنتي من الاشخاص الي يبهروه اول قبل الطبخ او بهريه قبل الطبخ وردي وصفيه وغسليه بسرعه بالماي قبل ما تحطيه على البصل
المهم حمسي البصل مع الثوم والزنجبيل لين يذبل مه رشه زيت مو واجد بس رشه البصل بينزل ماي ويذبل وحطي عليه الربان وقلبي حتى تنزل مرقة الربيان وقلبي لين يتغير لونه ويجمد وحطي البهار والملح وقلبي وحطي البطاط والجزر غطيه شوي بس خلي النار متوسطه مو عليه وبعدين حطي الطماطم والفلفل واذا حبيتي قرنين فلفل حار وغطيه حتى ينضج الطماطم وحطي الكزبره ملعقه صغيره صلصة طماطم وقلبي وبعدين غطي القدر شوي حتى يغلي وحطي عليه مقدار نص كاس ماء على حسب الكميه الي مسويته
وبعدين سخني الفرن وصبي الخلطه في صينية فرن وحطي عليها كريمة المراعي للخفق قد ما تحبي من الكريمه وخليها مدة عشر دقايق لين تغلي الكريمه وشوفي كيف تذوبي الي على السفره من الطعم
وقدميها مع رز وخبز وسلطه والمره الجايه بقلكم كيف سويت الرز
على فكره اذا ما كنتوا مسومسين مثلي ومو مبهرين الربيان من قبل مو مشكله على الي تعودتي والي تحبي مو شرط
جربوه وان شاء الله تعجبكم لانها عجبت زوجي واولادي وزجي اذا عجبه الاكل ما يقول حلو ابدا بس اعرف انه عجبه اذا سال كيف سويته وايش حطيت فيه
وعمري والله اولادي وولد اخوي لحسوا الصحون من جد بالعافيه ياربي

يسلموو
ولاهنتيـ