طفلاً يجوع يقول مآمآ أبي هم مآيدري أن ( الهم ) مآتت به ( أرو

غيري بالعشق تعبان كأنه واحد " مقهور "
يشوف البحر من حوله ولكنه بعد ضامي !

خآطري يآ صاحبي منك انكسر ..!
يوم قررت السفر عني [ بعيد ]
كآن ودي نلتقي
طول العمر ،
و الغلا ما بيننا ساعي بريد
كيف " بصبر " ..!
كيف بقوى ع الصبر ..!
و أنت في دمي و تجري بالوريد
تمسي بقلبي
و تصبح في النظر
و كل يوم ..
الحب في نبضي / يزيد
كيف بوصف حالتي
وصفي قصر ..
فيض شوقي
ما معي شي جديد ..!
الغلا .. و الشوق
في قلبي بحر
هآيج الأمواج .. و إعصاره
شديد
كيف تتركني و أنا بحالة / خطر
حاير الوجدآن و دموعي قصيد
ما يسلّي خآطري غيرك بشر
أنت الغالي
و مضموني الوحيد

اذكر مره طرالي احرق اعصابك
طاوعت فكري عليك وجيت لك ساري
فكرت ابيعك وابعثر بالمدى اطيابك
عقلي نواها وقلبي قال انا ( شاري )

ماتسـوى علي كلمـة نقصدها وجت مني ..
تزعل هالزعل هذا وتحلف ماتكلمني

ياما كنت تجرحني تقول اشياء تذبحني
ولا مره عرفت تقول انا الغلطان سامحني !

من قبل تنهي مسرحك
أسدلت أنا عنك [ الستار ]
و أنهيت كل اللي جمعنا من كبير و صغير
و أبشرك ..!
قلبي كبير و لا يتأثر بالصغار
و إذا تحداني الزمن لجأت إلى الله " استخير "
ليلك طويل و لا أعتقد يطلع على مثلك نهار
قلبي نسآك ..!
و موقفي هذآ هو الرأي الأخير
اخترت وضعي مثل ما أنت اخترت وضعك
باختصار ..
هذا الكلام اللي سكن نفسي
و نآبع من [ ضمير ]

خنجرك ينزف دم.. طعنت ظهري
لا لا أبد ظهري غلط.. صاب خنجرك
عليك منك أموت.. أقسم فلا أدري
شف الطعون وفوق هذا وأنا أعذرك
ياشين شفني يوم تطعن أهذري
أقول أبعد خايف الجرح يدمرك
جيت أتحامى وأنتخي وين صبري
وين الطريق ومنتهى ما أتنطرك

تذكر !
وعدتك إني أنساك
و وعدتني تبقى لي لو ما بغيتك

تذكر !
كنت قاسية معاك
ليتك كنت وقتها قاسي ليتك

كآن ما ندمت
كآن ما جزمت
أوصد أبوابي بدونك
و أهمس [ ارحل ] ربي يصونك

تذكر !
وقتها سكت وما حكيت
و كان سكوتك قهر

أذكر إني بكيت
بعدها كل " العمر "

تذكر !
رحلت وقلبي ظمآك
لو وجودك عذب كان رويتك
وعدتك إني أنساك

أبشرك
حاولت بس ما نسيتك ..!

إيه [ خنتك ] ..
لأجل أنا أرد اعتباري ..!
صح هنتك ..
و ماني محتاجة أداري
و لا ترجى اعتذاري ..!

واسمع اللي لك بقوله
يا تفآهات الطفولة
ماني بذيك الخجولة
و باجرحك يآ جارحي ..!

شفت وشلون الخيانة قاسية
لحد " الإهانة " ..!
مير من باب الميانة
قلت مثلك بطعنك

و أنت بحدود البكي
لا تكثّر بالحكي
و لا تظن انك ذكي
و أنت جرحي يسكنك ..!

تهمتك لي [ الخيانة ]
زيد معها ..
سبق إصرار و ترصد ..!

يعني النية في قلبي / نية مبية
لأني أصلا و بصراحة ..
خنت عمدا
لأجل أوريك اللي شفته
ولا تظن إني " جبانة "

جيت أواجه ..!
و أسمع لهرجي رجاء

خنتني يوم الوفاء فيني كبير
يعني أنت اللي بديت
هنتني يوم العطاء مني كثير
ودون مآ أدري ..
قسيت ..!

و الفعل لا بد له / ردة فعل ..!
و أنا منك انعميت
قلت أسوي مثل فعلك
ثم فعلت ..!
ليه بفهم .. انفعلت ..!

آه يا ذا [ المجتمع ]
الصداقة للرجل
و الخطايا للرجل
و الخيانة للرجل
قابلينه في خطاه ..!

بس إحنا
ما لنا غير الخجل
و التغلي و الوجل

و الله أعطانا قلوب .. تعشق بصدق / وتذوب
و لجل حب اللي نحب
نسعى حتى للدجل ..!

آه ما أغباه قلبي يوم ظنيت الوفاء .. و العاطفة
و أحساس الدفا
ممكن إنها تجتمع بهالزمن في قلب واحد

يآ خايني / مع السلامة ..!
رح مع ذاك الطريق
خنتك لانك تستحق الطعن و كفوف الغدر

منت بكفو بنتٍ وفية تملك الحب العميق
طابت جروحي يوم شفتك
منصدم بي منقهر ..!

أدري إني بحقك أخطيت..!
وماني من الخطأ " معصوم "
لكن جيتك بــ قلب مكسور
وعند أبواب " قلبـك " وقفت مذلول
طالب عفوك ولرضاك مرتجي
يالطيب يالــ [ حنـون ]

حسيت في آخر زيارة
شي بعيونك مختلف ..!
و شي بحديثك مختلف ..!
حتى سكوتك مختلف ..!
كنت بشكوك
و شفت الحقيقة في عيونك [ تعترف ]
موقف غريب ..
موقف أبد مآ ينوصف
وين الكلام !؟
وين الحرارة في السلام

كبير الفرق مآ بين
أول لقاء
و " آخر زيارة "
مدري وش أقول
يآ حب خآنتني العبارة
مدري وش أقول
و الحر تكفيه الإشارة
كل شي حبيته في بيتك
نسآني ..!
الهدوء .. الليل .. الصمت .. الأغاني
حتى لون الورد .. و الفرحة .. و مكآني
داهمتني الغربة
ليتني مآ جيت
ليتني رديت
حزني .. غرّب ضحكتي ..!
لساني .. ضيّع كلمتي
حسيت بالياس و [ مشيت ]
كنت بشكوك
و شفت الحقيقة في عيونك تعترف ..!

أحيان .. نندم .. من گلامٍ .. نقولهـ .. !
وأحيان .. نندم .. ( ليهـ .. نسگت .. عن القول ) !
اللهـ يعين الحرف .. لحظة .. هطولهـ .. !
أنا .. أشهد .. أنهـ .. يگشف .. عقول .. وعقول !!!
البارحهـ .. والليل يرخي .. سدولهـ .. !
من ضيقتي .. ناديت :
.. يارب .... لآ .. حول !!

لا تحسبيني مكتئب و إنعزالي ..
بالعكس أنا جدا ظروفي سعيدة ..!

أحيانا الواقع يعارض خيالي ..!
لكن أغيظه بإبتسامة عنيدة ..!

و سعادتي لو ما نبعت من كياني ..
ماني مدورها بأماكن بعيدة ..!

أنا بحياتي واجد أشياء أثمن ..
من الترزز في سطور الجريدة ..!

طفلاً يجوع يقول ( مآمآ ) أبي ( هم )

مآيدري أن ( الهم ) مآتت به ( أرواح )

وبس ..