يوم في حياتي ..!

16-03-2008, 12:20 ص

السلام عليكم ورحمه الله وبركاته ..

مشكووره خيتو همووسه على اختياري ..!!

بالبدايه هذا يووم الجمعه التاريخ 6\3\1429هـ

بالبدايه يووم الخميس كنت توني جايه من استراحه ومااره ازين كل ابو شئ بس صرقووعه مهب معنا ..

المووهيم رجعنا الساعه 2 ونص في الليل وصلنا البيت الساعه 3 في الليل طبعا الرياض زحمه ..

وعلى طوول
يووم رجعت قعدت على النت وصليت الفجر ونمت..

ووقت المنبه على 12 الظهر ونمممممممت الا واسمع المنبه يرن واصقعه بيدي المووقره ..

الا وتدخل النشبه (( طيف )) اختي اللي اصغر مني ع طوول ويالله بتجي صرقووعه هذاهم بالطرييق..

وانقز واطمر للحمام (( الله يكرمكم )) وافرش اسناني واتوضأ واصلي الضهر واحووس بغرفتي وازبرقها ..

والشغاله ماودها الا تفجر فيني ...

ماعلينا منها

سمعت صووت صرقع << وهـ بس وكنت بعرفه طيف احووسها عشانها خربت نوومي ..

وتدخل ام الشباب وتصارخ المااسو وانا اتبع الصووت وبالاخير لقيتها بغرفتي وخميتها وكل ابوو شئ مااره

ونقعد نسوولف الى العصر يووم خلصنا قالت مامي يلا تعالو تغدو نزلنا وتغدينا وعلى طوول قعدنا على النت ودخلنا عليكم ..

تقريبا قعدنا على النت ساعه وقالت امي درسي (( دانا )) << اختي الصغيره في 3 ابتدائي

قالت درسي دانا واوديكم للي تبوونه << تذلنا بذا التدريس

قلت ابشري بس رووحي

عنا وطلعت واجدع الكتاب على اخت صرقوعه الله يحفظها قلت مافيه طلعه الا اذا درستيها ..

قالت تامرين امر << اتوهم

المووهيم درستها غصب ورى خشتها وعزيز درسها جدول الضرب ..

وانا وصرصر نقرى مجلات..

الحمد لله

درسناها وخلصنا ..

على طوول انقز لميمتي فلذه كبدي قلت يلا البسي عباتس قالت خلصتو قلت يب قالت ابشري وين اوديكم

قلت

: امممممم حياه موول

قالت:

طيب

وارووح البس والبس عباتي وانزل وانزل عبايه صرقووعه معي

ونلبس العبايات ونطلع بالحووش

وقمت افحط ومااره ازين كل ابوو شئ الا ويطلع اخوو صرقوعه بوجهي

واتفشل وطقني الحياء << ياحوول

المووهيم قال صرقوعه يابعد قلبي << مررره

قال ابووي يقوول ارجعو للبيت عشان جدانكم جايين ولازم تسلموون عليهم بذاك الوقت ماودي الا افجر بخووها ..

وانقز لمي واقول مخاويه الذيب

ولا انتي مخاويته قالت ابد هو مخاويني قلت صرقوعه بيرجعوون لبيتهم

طلع عرق الستع بما انها العمه دقت على ابوو صرصر قالت واخزياه بطلعهم ....................الخ

قال ابد مااره لازم يجون ..

عاد امي مووستحيل تكسر كلامه تفشل منه ..

قالت امي بنرووح معهم لبيتهم

المووهيم انا قلت لا لازم نرووح حرام يرووح تعبي بالتدريس خساره

<<

واخت صرصر ماودها الا تشووتني قالت لا عمه ترى دانا فهمت الدرووس زين مااره امر شئ

>>

تعلم امي انها مدرستها هع هاهع

عاد امي سلكت اشواا

المووهيم قلت ابد صرقووعه

ترووح معنا بنفس السياره وراح اخووها واخوانه بسيارتهم

وانا وصرقوعه واختي الكبيره

ركبنا السياره اختي كانت تقرى روايه بالجوال وصرصر حاطه السماعات اوو ان جوالها فاضي الشحن , المهم تحاول تبعبص به

وانا قاعده لاشغل ولا مشغله قلت

: سليم شغل المسجل

قال

: ايش ؟؟

قلت:

:راديو

قال

:راديو << لازم يعيد الكلام اللي قلته

قلت

: ايه

قال

: ان شاء الله

ويحط اف ام جت اغنيه ماجد المهندس ومااره سواقنا خش جوو قام يدق رقبه << يتميلح

ماعطيناه وجه

المووهيم نحتري امي تجي للسياره بس تأخرت

عاد غير القناه وحط اغاني خربوطيه اللي يتمططون فيها حقه اندوونيسيا وتوابعها ..

قلت

:لا سوي قناه زي اول ..

<<

ماوده الا يفقع وجهي ..

قال

: ان شاء الله

عاد جت امي يووم اذن

المغرب صلت وجت وطوول الوقت نحتريها بالسياره بس وناسه

المووهيم ركبت اميي ورحنا .. وحنا بالطريق ..,

قلت

: يمه حرام عليتس اللحين مارحنا لحياه ولا استانسنا .. << يقالي اتغلى

قالت

: حللللوه مارحنا وهو بكيفي الود ود يوم جتنا صرقوعه اننا مودينها لشين ازين مهوب بمقامها

وصريقيعه مهب لمها لاهيه بالجواال..

المووهيم قلت لا لازم نسوي شئ عشان نستانس ..

قالت امي

وش نسو هذا ربي كاتبه ..

قلت

خلي سليم يووقف عند البقاله ..

قالت بس الجو غبار ومن ذا القرقر قلت ابد مااره مالتس شغل بس خليه يووقف وانا انزل واشتري

قالت تشتهين لا اخلي

سليم ينزل ويشتري ..

قلت يماااااااا ومن ورى النقااب عطيتها ابتسامه نستها الدنيا مع كم نظره خلتها تفتح الباب وتمد لي بوكها كله << اتوهم

المووهيم البقاله تخووف عند بابها كله قطاوه اوول ماجيت بدخل وشفتها كأنها اسد مصغر وارجع للسياره قلت لا ما ابيها ابغى وحده ثانيه ..

قالت امي ذي ولا مافيه انا كنتب بسوي مثل الحركه اللي قبل ,
ابتسم لها من ورى النقاب مع نظرات ثاقبه ,,
بس ما أمداني
ولا كان ودتني لوحده ثانيه

والله ويجي سليم

وبالمكنسه حقه العمال عاد حقدت القطوه عليه << لايكثر

وبس ددخلت وشريت وقشيت بس البقاله مهب الا ذاك الزوود يعني ماره شينه مابها اغراض كثيره ووعه

بس لازم ولا

كان ماتمشي السهره ..

المووهم ع طوول ركبت السياره وعطيت خواتي اغراضهم وانا وصرقوعه لحالنا يووم دخلنا لبيتهم ونقعد ع النت وناكل ونادونا على العشى وسفهناهم ..

وبالاخير قالت امي يلا نرجع البيت ..

وماااره فيني الصيحه بس مسكتها وخميت صرصر ورجعنا للبيت ع طوول قعدت ع النت قالت صقيقتي فيه اختبار تقريبا الساعه وحده بالليل قلت يووه

المووهم قمنا نقرق قالت بنام .. وطلعت تقريبا الساعه 2 الليل .. المووهم نمت يووم قمت رتبت درووسي ورحت للمدرسه وسلامتكم ..

-

بصراحه مووضوع رووعه

- معليش طوولت عليكم

- ان شاء الله نال يوومي على احسانكم ..

واختار بعدي (( حاشره المشاعر بزاويه ))

16-03-2008, 02:26 م

رووووووووووعه توي أدري أن صرقووعه كريمة << أحلفي

اللة يخليكم لبعض يسلمو المااسة

16-03-2008, 02:52 م

حلو يومك الماسه الله يخليكم انت وصرقووعة لبعض
مشكوره الماسه على يومك الممتع

16-03-2008, 03:03 م

مشكوووريين ع المروور ,
اهم شي عجبكم

16-03-2008, 03:16 م

هع هع , يومتس خطيييييييير
< يقالي مااعرفه

تسلميين وننتظر حشحووشتي

17-03-2008, 06:16 م

ـهههههههههههههههـ

اختي الماس يومتس كذا

وننتظرك اختي حشورة على احر من الجمر ..

18-03-2008, 06:09 م

ههههه الماس ياعيني ع يوومك..
وداناا بنتزر يوووم حشووره اوويييي..

19-03-2008, 04:26 ص

ياربي ياربي يماا شوفيهم ببتسي <<فاهمه النعومه غلط

اوتسى على يوم بتبطح على الموضوع وبنزل يومي

19-03-2008, 04:37 ص

خخخخخ
حاشره الظاهر انك قلتي يومك هنا 100 مره دايم يختارونك ولاتقولين لا ماشاء الله عليك حبيبه
يمكن الاعضاء يحبونك لاتفهمينهم غلط ..

سؤال حشوره كم تبطحين في اليوم من مرره ؟

يوم في حياتي ..!

الأرشيف ومقص الرقيب