يوم في حياتي ..!

11-12-2007, 12:46 ص

يممممممممه ..
النمر يابوي ماتفقنا على كذا ..
انت نت مختار ذكريات والا ؟؟!! يعني انا وش جابني ؟؟!!

وبعدين وش اكتب اي يوم اليوم اللي امس والا اليوم اللي اذا نمنا وقمنا جاء >>> سؤال بزارين ..

يالله لي باك مرتن اخرى ..

$ غرتكـ دنياكـ $

11-12-2007, 01:11 ص

ههههههههههههههههههههههههه

غرتك دنياك ..

انا اخترت مستحيل ..

لكني غيرت رايي قبل تشوفه المسؤولة عن الموضوع ..

وبالنسبة لليوم ..

فهذا شيء يرجع لك ..

اختاري احلى يوم في هالاسبوع ..

واكتبيه لنا ^_^ ..

ومشكورة مقدما ..

11-12-2007, 02:47 ص

إقتباس


	لكني غيرت رايي قبل تشوفه المسؤولة عن الموضوع ..

إقتباس


	وبالنسبة لليوم .. فهذا شيء يرجع لك

هع هع فكشششششششششششششتك

الاياام لاتختاروونه لييين يجيي ..

إقتباس


	قالت وش اقول <-- بريئة مهيب تعرف تصرف ..

تسلم خييييو ع يووومك ,,,

وسلملي ع اختك البرييئه احسها تبرد الحررره

12-12-2007, 08:23 ص

يلا غرو ...

ننتظرك على أحر من الجمر

12-12-2007, 08:48 ص

هههههههههههههههههههههههههههههههههههههه يومك قلق يالنمرر الله يعيينك

ههههههههههههه تسسسسسسسسسسسسلم اخوي

وننتظر غرتك على احر من السمر هع هع

12-12-2007, 02:01 م

يالله هذا آخر يوم لنا بالدراسة والحين انتهيت من الامتحانات والمشاكل

فاصبروا علي شوي لين اختار لكم يوم حلو ولزيز ..

وعن قريب ستفصح غرتك عن يوم خاص في حياتها ..

ترقبوني <<< وش عندها ام كلثوم ..

$ غرتكـ دنياكـ $

13-12-2007, 03:43 ص

يوميات غرتك وصلت

في يوم من الايام وفي بيت من البيوت وفي سرير من السراير وتحت بطانية من البطاطين

كنت أغط في سبات عميق ..إلى ان رنت ابجورتي << بتعلمكم ان ابجوهرتها فيها منبه

..
قمت ولاها الساعه 5 الفجر صح ان ودي اصيح بس وش نسوي هذي حياتنا ولازم نكرض وراها >>وين غازي القصيبي يفرح

..

طبعا فزيت وتحممت ودورت لي تسريحه علشان اضف فيها شعري للجامعه ..
وبعد جهد ومطاق لقيت حركه حلوه ومريحه اللي هي اربط شعري كله

وبعدين نزلت وسويت لي كابتشينو ومعه شابورة وكلتهم وبعدها طلعت لليونفيرستي<< اخص على اللغه

على الساعه 7ونص وطبعا ماوصلت الا الساعه
8 وربع >> يامصل الرياض وزحمتها

<< ومن محاضرة لمحاضرة ومن اهم محاضراتي كان عندي استاذ وهالاستاذ احس فيه شي وجالس يقول لنا ان الوحده اذا بغت تطبخ وعلشان تهدي روحها وتبدع في الطبخ لازم تشغل موسيقى قالت له بنت استاذ مايجوز حرام قال بتعلميني انك ماتسمعين اغاني وعلى فكره الاستاذ سعودي ومن قعر السعوديه بعد

.. وفيه أكشن بعد حصلي بالجامعه اني جالسه بمكان انا وصديقتي ومتحمسين نسولف >> عندنا قضيه مهمه<< ومادرينا الا البنات اللي معنا
يزاعقون يوم التفت والاقي صارور ورااي و اللي مايشتري يتفرج غرتك وعندها صارور

..

ايه صح نسيت اقولكم البنات جايبين اليوم فطور من كودو وبعد ماخلصنا ماكلين مسكنا الضحك والصراخ والهبال انجنينا الا خمس دقايق فحسيت في لحظه انهم حاطين شي في الخبزه ..او ان هذي اعراض انفلونزا الطيور >> تسمع بجنون البقر وانفلونزا الطور وماتدري وش السالفه

.
وبعد كذا رجعت على الساعه 2 ونص وخذتها نومه وانا في وسط احلامي سمعت صوت قطوه شكيت ان اليوم هو يوم الحيوانات العالمي وفتحت عيوني ولقيتها بنت عمو داقه علي << لاتدري ان حاطه نغمتها قطوه

.. وتقول غرور خلينا نطلع لأي بليس قلت خلاص خلينا نروح لشمشون يمدحون بضاعته

<< فيني حيلي اتريق عليها
طبعا بعد ملاجد ومهاوش قررنا نطلع لأيكيا وجينا هنا للنقطه المهمه اللي هي اختي مادري وشلون بنقومها هذي ان نامت ماعاد قامت مشكله صراحه

قعدنا عليها يمين ويسار الين صحصحت وطسينا .. والله لايوريكم من طلعنا 6 الى 7 وانحن ياما رحنا للبنك وياما يجنا وكله بسبت ذا النايمه(اختي) مره نست البطاقة ومره نست الرقم السري ماقول الا جعله تكفير لنا ..
وبعدها انطلقنا الى رحلتنا ومشكلة النايمين اذا راحوا تقل احد حالف عليهم يتمشون كل وحده تدز الثانية .. وطبعا لقيت لي برواز اعجبن مره ويوم جيت اسأل العامل فيه ألوان أو لا قلت : وش اسمه هذاك ,لو سمحت .. وماسمعت الا ضحكة اللي جنبي قلت عسى ماشر قالت تفهمين انتي وش تقولين ويوم استوعبت تفشلت وتركت البرواز وسويت نفسي اوب انا اللي سائله

.. وبعدها قشقشنا لنا أغراض وتعشينا وطلعنا

ورجعنا للبيت وانا ادور سريري ابي انوم بس هيهات اخشع وتفيده ونبيله عندي( اختي وبنت عمي ) قالوا الا بنحوس عندتس وانا اترجى فيهم الين وافقوا وبعدها طلعوا لي بفنه ثانية نبي نشوف الفلم اللي على الكمبيوتر اللي عندتس قلت لهم خلاص باشيله لكم .. وناديت تفيده تشيل الشاشه معي وقلت لها انتبهي لاتطيح يوم شالته يقالكم بأهددها بشي اقوى قلت ترى اذا طاحت بتصير مشكله طبعا هي مسكتها ضحكه وانا طايره عيوني مادري وش فيها
وبعدها اكتشفت ان هذي سطالة ماقبل النوم ..
واكيد بعد هذا كله طار عني النوم فنزلت تحت عند التلفزيون وانا بالدرج طحت وهذا الشي صار عادي تعرفون الشتاء وشراريبه

.. ومالقيت شي يفتح النفس على TV.. فصعدت الى الأعلى والحين انا جالسه مع البنات وهم يناظرون الفلم وانا اكتب لكم مذكراتي ..

وهذي هي حياتي ليوم الاربعاء 3-12-1428

واختار لحظة غروب ليروي لنا يومياته <<

$غرتكـ دنياكـ $

13-12-2007, 03:55 ص

هع هع والله فللللللللللللله سلمييلي ع اللي يشووفوون الفلم

ننتظرك يالحظظظه

13-12-2007, 09:50 ص

ههههههههههههههههههههههههههههه

غرتك يوووووومك توووووووحفة من جد..

إقتباس


	بتعلميني انك ماتسمعين اغاني

ههههههههههههههههههههه أزحف استاذ على وجه الأرض ...

^^
وسلميلي على تفيدة ونبيلة اعجبن بقوووة قسمن ...

^^

يالله لحظة ننتظرك لاتنكبنا مثل ذاك اليوم .. <<

يوم في حياتي ..!

الأرشيف ومقص الرقيب