هذه الرسالة تفيد بأنك غير مشترك في منتدانا. للتسجيل الرجاء اضغط هنـا
هذه الرسالة تفيد بأنك غير مشترك في منتدانا. للتسجيل الرجاء اضغط هنـا
 |
|
|
|||||||
| استعادة كلمة المرور | طلب كود تفعيل العضوية | تفعيل العضوية | اضفنا للمفضلة | اجعلنا صفحة البداية | البومات صور الأعضاء | طلب اعلان | مركز التحميل | Tags |
 الإهداءات |
 |
|
|
LinkBack | أدوات الموضوع | إبحث في الموضوع | انواع عرض الموضوع |
25-05-2008, 04:44 AM
|
رقم المشاركة : 1 |
|
.. عضو نشيط ..
|
أجمل ما قدم صلاح جاهين عجبى ...أجزاء
رباعيات الراحل صلاح جاهين
*انا شاب لكن عمرى الف عام وحيد لكن بين ضلوعى زحام خايف لكن خوفى منى انا أخرس لكن قلبى مليان كلام عجبى!!! *يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! *أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! *سهيرت ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! *كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! *ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! *نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! *علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! *ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!! *يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! |
|
    
|
|
25-05-2008, 04:47 AM
|
رقم المشاركة : 2 |
|
.. عضو نشيط ..
|
اجمل ماقدم صلاح جاهين 2
*شاف الطبيب جرحي وصف له الأمل
وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! ***أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! *إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !! *يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! *في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي !!! *علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! *أنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! *نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! *- يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! |
|
|
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
 مواقع ننصح بزيارتها |
|||||
العرض العادي
