Fifa08 Vs Pes08 الحل الامثل والدليل القاطع!

إماراتي وافتخر · 14-06-2008, 03:58 PM

شباب
الحين المنتدى كله تلخبط بسبة موضوعين وكلها نزلت بنفس الوقت!!
وكل واحد يدافع عن شي!

السـلام عليـكم ورحمـه الله وبـركاته ..

بمـا انه كثـر الحكـي في هاللعبـتين . وبما اني فاضي ولا وراي شغـل لـمده نص ساعه .. قلت ادلو بـ دلوي ..

وقبل لا ابدا بـ كلامي احـب اذكر اني لست متعصـب لي لعبـه من اللعبتـين .. لانه ماراح يجي في جيبي ريال لـو احد لعبها .. لو بيجيني فلوس تعصبت للعبتين في نفس الوقت

انا ملكت اللعبـتين .. وجربتهـم كلهم في اغلب الاطـوار ...

طبعـا اول ماشريت الجهـاز كنت انتظر PES 2008 على احر من الجمـر . لاني مدمن على الاجزاء الخاصه فيها من ايام الـ PS1 ايام باتستوتا وتجيب قول من نص الملعب في الجزء 3

..

وانتظـرنا وانتظـرنا .. لين قالو بـ تنزل في رمضان .. <.~ اللي طاف ..

المهم تأخرت الي شوال .. وكنت انسان مشتاق للكوره .. لقيـت اخ بالمنتدي يبي يبدلني يعطيني FIFA08 واعطيـه ( Rainbow Six Vegas ) .. واخذت فيفا ولعبت فيها وكنت أنتظر PES وعلى قـوله المثل ( مجبر اخاك لا بطل ) .. خذيتها لـ التجربه وتضييع الوقت ..

وكنت من اكثر المهتمـين بـ اخبار الـ PES عن طريق البحث في الانترنت والمواقع الاجنبيـه انا والاخ حمران النواظر <.~ سعود

المهـمُ جاء اليوم اللي الله قدر فيـه ونـزلت PES واروح لـ النسر .. واشتريها بـ 280 ريال .. واحطها بـ البلاي ستيشن .. وانتظـره يحمل التحديث على احر من الجمر .. بعد ماصار المنتدي كله ( نقد في اللعبه انها فاشله ) ..

خلص التحديث وشغلت القيـم وليتني ماشغلته

لعبـــه اقل مايقال عنها لعبـه بلاي ستيشـن 1 .. يمكن حتي البلاي ستيشن 1 .. يستحي يشغل هاللعبه ..

صدقت كلام الناس اللي بالمنتدي وقلت فشل ما بعده فشل

بتقولون ليش .؟ الاسباب بـأذكرها بالمقارنه بالأسفـل ..

مقـآرنتي راح اتطـرق فيها لـ اغلب الجوانب اللي لمستها في اللعبـتين .. سواء عيوب او حسنات ..

اولا راح ابـدا بـ الجيـم بلآي ..

الدوري الياباني / لاجديد يذكـر .. اضافو حركه الخداع وحركـه شد القميص .. نفس الاجـزاء السابقـه من ناحيـه التحـرك .. لاتوجـد واقعيـه بتاتـا .. يعني تقـدر تمسك لاعب من الدفـاع الي الهجـوم وتجيـب قول ..

وطبعـا لاغنى عن الحـركه الطفـوله اللي هي اركض مع الاطراف ولف وجهك جهة منطقه الجـزاء ورص اكس وجب قـول .<.~ لعب مع واحد غشيـم وكبير بالعمر وجاب علي كل اهدافه بهالطريقه

< بس اخر المباراه فزت

الدفاع شوارع ليس دفااع حقيقي .. لعبـه هدفها امتاع صاحبها بأكبر عدد من الاهداف .. يعني ممكن تنتهي المباراه بـ 9-8 وهذا شي طبيعـي .. وطبعا الحركه المعروفه لا انساها ( دائرتين + مربع = قول ).. معدل الاهداف مرتفع جدا جدا

اذا لعبت مع واحد بزر وخذ فريق فيه ادريانو ووجه جهه الباب وشات اعرف انه قول .. لو من النص

تحرك اللاعب على قوله شيوزن ( ركضه عدنان )

تقدر تركض بلاعب ركض وتطيح لك عشرين لاعب خصوصا لاكان سريع وابن امه يصيدك

لم يضعو معايير لـ البنيه الجسديه في الدفاع ..

المناول < رص اكس ولا مثلث ونم

فيفـا / لعـب واقعي جدا .. اضافه حركات مهـاريـه رائعه .. وهي على اسمها مهاريه تحتـاج احتراف .. مو ترص لي L2+ تحرك القير وتسحب .. لا بدري عليك

.. لازم تعرف فايده كل حـركه ..

الرفـع يحتـاج دقه .. لو رصيت دائره اعرف انها بتطـير قدام .. لازم توجه بالقير بـ الضبط على اللعب اللي تبيه . ولا اعرف الكوره ماراح توصله .. // ولايوجد شي اسمه ( دائرتين ) عندك مقياس لـ شده الرفعه

اغلب المباريات تنتهي بمعدل 7 الي 2 اهداف

تسجيل الاهداف صعب حتي لو انفردت بـ الحارس احيانا يردها<~. ويعتمد على احترافيتك ... // الدفاع مضبوط جدا .. يعني مستحيل تجيب لي مدافع يركض من اول لأخر الملعب ويسجل هدف ..

تحرك اللاعب واقعي ( ثقيل ) ..

صعب جدا تأخذ راحتك في الركض الملعب لوجود دفاع شبه حقيقي ..

البنيـه الجسديه لها دور مؤثر في لاعبك .. يعني بدري عليك تخش بـ ميسي عند ايفرا وغيره ..

المناول .. تحتاج تركيز ودقه ولا اعرف بتنقطع الكوره في المنتصف
جـرافيكس ../

الدوري الياباني ./ افشل جرافيكس شاهدته في لعبـه من الجيل الحديث .. لايغركم مقارنات المواقع .. تراهم يقارنون من صور ليست ( قيم بلاي ) .. صور الـ trailers ..

فيفا ./ جرافيكس ليس كـ طموحي لـ العاب الجيل الجديد .. لكنه ارضاني بعد ان رأيت الدوري الياباني .. حيث يتفوق عليـه بنسبه كبيـره جدا ..

الاون لاين ../

وهنـا مربط الفرس .. هنا الاهم بـ النسبه لي .. مع اني العب كل ويك اند مع الشباب لكن باقي ايام الاسبوع مالي الا الاون لاين ..

الدوري الياباني ../ افشل اون لاين < ولن اطيل الحديث فيه حتي المتعصين معترفين بهالشي...

فيفا ../ اون لاين جميـل ابدعت EA في سيرفراتها .. اللاق قليل تلقاه .. واحيانا تلعب مع واحد يكون بـ امريكا تحس انه معاك بالحاره .. .. وألاحظ ان العب مع الامريكان افضل من الاوربين ما ادري ليش < الله يعز الاتصالات والكيابل الدوليه

واغلب من يتحججـون او يدافعون عن الدوري الياباني .. مع اني ما ادري ليش ويكتبون مواضيع ويتعبون انفسهم < بدون ذكر اسماء < تري ما اقصدك ياتايب3 لاني اعزك

اقصد بعض الاخوان الله يستر عليهم .. يكون دافعهم لانهم متعوديـن على اللعبـه ..

وسبق ورديت امس على هالنقطه كأن واحد معاه كوريلا وجابو له لكزس وقال مانيب متعود على اللكزس

بالاخيـر .. انا لست متعصب .. انا اقول كلمـه الحق اللي لمستها .. واتمني من كل شخص .. وكل مناصر لـ احد اللعبتين يقول الحق عشان مايخدع اخوانـه ويتورطون ..

وبالاخير .. لاتنسى .. ان تحـب لـ اخيك المسلم ماتحب لـ نفسك ..

واتمنـى لكم سهره ممتعـه في اللعبـتين ..

وشركة الي تنتج الpes2008 اعترفت بفشلها وتقول اتريوا 2009
والحقران يقطع المصران
وتحياتي.......................