أنت غير مسجل في منتديات العاب العب. للتسجيل الرجاء اضغط هنـا
أنت غير مسجل في منتديات العاب العب. للتسجيل الرجاء اضغط هنـا
 |  |  |  |  |  |
 21-07-2008, 03:01 م | رقم المشاركة : 1 | |||||||||||||||||||
|  اسيل وعبد العزيز قصة حقيقة لكن الاسماء مستعارة بس في الآخير قالت خيرة إنشاءالله وهذا الإعتراف إنشاءالله بيكون في صالحي وبيختصرلي وقتي يعني راح افهم من رده إذا يبغاني او أنساه للأبد وبعد يومين من هذا اللي صار وصلتها رسالة حب حلوة من عبدالعزيز: وصلني ذكرك الغالي وشوقي بالهواء ينادي' أقول إني أبي قربك وأنا فكري يبي دربك; سحرني ذوقك الدافي سرق روحي وأحساسي' ياليت الحظ يجي يمك وأعيش اليوم أنا بدمك; بكل إحساس تبي إحساسي؟ ~أنا أحبك غصب عنك~ بس هذي أول مرة تقرأ أسيل رسالة من عبدالعزيز وتحس إنها طايرة من الفرح بالعادة لما تقرأ أي رسالة من عبدالعزيز تتضايق لأنها مو متأكدة من مشاعره بس هالمرة غير،،، لأنه عرف مشاعرها تجاهه بعدين أرسل لها مشاعره تجاهها،،، بعدين ردت له برساله أحلى وكانت رسالتها خرجت من أعماق أعماق أعماق قلبها: أوعدك ماأنساك للأبد وقلبي عمره مايسكنه أحد أنت"حبيبي وحياتي"وبتبقى في قلبي للأبد وإن غبت عنك لاتظن ينسيني حبك أحد وإن مرت الأيام وماسألت لاتقول:"خانتني وخانت العهد" قول: "ماتت وللحين ماحبني كثرها أحد" رد عبدالعزيز: أ ح ب ك واحب طبعك واحب حتى ح ر و ف اسمك أحس بشي يجمعنا أظنه وفا قلبك ردت أسيل: دونك الدنيا عساها ماتكون٠ ٠ ٠!, مالها في خاطري أي اهتمام٠ ٠ ٠!! يشهد الله مسكنك وسط العيون٠ ٠ ٠!, وإنك أول من صحى فيها ونام٠ ٠ ٠!! لوتبي عمري مع أيامي تمون٠ ٠ ٠!, فدوتك عمري ولافيها كلام٠ ٠ ٠!! ولم تنام أسيل في هذا اليوم إلا في الصباح من فرحتها وفي الصباح أرسل عبدالعزيز إلى أسيل: صحيت أدور من ينور صباحي؛؛ لقيتك أول من على البال طارى؛؛ صباح الخير وإستمروا متواصلين مع بعض بالمكالمات والمسجات لمدة شهر وبعد شهر تمامآ إتصل عبدالعزيز على اسيل عبدالعزيز: هلا ياقلبي اسيل: أهلين عبدالعزيز: إش أخبارك؟ اسيل: تمام، وإنت طمني عليك؟ عبدالعزيز: بخير الله يسلمك بعدين وينك يالقاطعة؟ اسيل: السموحة بس إنت عارف مابقي على إختبار الفاينل(النهائي)إلا إسبوع عبدالعزيز: خلاص ماأطول عليك أخليك تذاكرين اسيل مرتبكة: لا لسه عبدالعزيز: إش قلتي؟ اسيل تلخبطت وماعرفت إش تقول: لا بس توك ماقلت شي بعدين أنا أصلآ تعبت من المذاكرة عبدالعزيز:صدق إذا تذاكرين أخليك وأكلمك وقت ثاني اسيل: لا والله أنا تعبت من المذاكرة وبأرتاح ألحين يالله سولف إش بغيت تقول عبدالعزيز:والله ياحبيبتي أبغى أسألك كم صار لعلاقتي أنا وإنت تقريبآ؟ اسيل: يمكن شهر عبدالعزيز: أحس أني أنا اللي دايم أسولف معاك وأتكلم وخلصت كل المعلومات والأخبار اللي عندي وإنت يالله يطلع منك الكلام وماتتكلمين إلا إذا سألتك اسيل تضحك بهدوء وصوت غير مسموع بوضوح: عبدالعزيز: شوفي يادبه ترى بجيك وأزنطك لو ماتتركين الحياء الزائد اسيل تتكرر ضحكها الغير مسموع جيدآ: عبدالعزيز: والله أتكلم من جد ياقلبي شوفي أنا كيف أتكلم معك مآخذ راحتي وأتكلم معك بكل بساطة اسيل: أنشاءالله والله غصب عني بس أوعدك بأحاول عبدالعزيز: وعد اسيل: قلت أوعدك إني بأحاول عبدالعزيز: أنا طلبتك هالطلب لأني محتاج إنك تصارحيني في موضوع أبغى أفاتحك فيه بس لازم تصارحيني اسيل: حتى أنا أحب الصراحة عبدالعزيز: بس أخاف تنحرجين وماتصارحيني اسيل: لا إنشاءالله إشفيك قول؟ عبدالعزيز: ياقلبي إنت سبق وقلتي لي إنك تحبيني بس أنا أبغى أعرف حبك لي <حب صداقة> اسيل: لا وربي أنا حبيتك بجد وبصدق عبدالعزيز: وضحي لي أكثر اسيل: إشفيك مو مصدقني أنا وربي حبيتك بجد أرجوك لاتظن فيني شي ثاني وتفهمني غلط، وبعدين بالأمانة إنت مو حاس بحبي؟ عبدالعزيز: انا عارف إنك تحبيني بس إنت لما حبيتيني كنتي تشوفيني مجرد صديق ولا حبك لي <حب نكون لبعض> اسيل تفاجأت بسؤاله: عبدالعزيز: وين وعدك لي إنت مو وعدتيني إنك تصارحيني وبدون إحراج اسيل: آسفة بس أنا قلت لك والله ماكذبت عليك في حبي لك عبدالعزيز: جاوبيني<حب صداقة> أو < حب نكون أنا وإنت لبعض> اسيل خجلانة تنطق: عبدالعزيز: أنا لو أجيك ياويلك مني يالله إنطقي اسيل: قلت لك أنا جادة عبدالعزيز: يعني حبك لي<حب نكون لبعض> اسيل: إيوه عبدالعزيز مسوي إنه مو وشهو اللي إيوه؟ اسيل:اللي قلته عبدالعزيز: يالله قولي<أبغى نكون أنا وإنت لبعض> اسيل بصوت يكاد لايسمع: أبغى نكون لبعض عبدالعزيز: الله يخليك لي ياقلبي وأنا كمان بأصارحك أنا ياقلبي حبيتك اسيل بكل فرحة: صحيح عبدالعزيز: أقسم بالله العظيم أنا حبيتك اسيل: من متى؟ عبدالعزيز: من يوم ماصارحتيني بحبك اسيل: عساني ماأنحرم منك عبدالعزيز: ولا أنحرم منك خلاص ألحين شدي حيلك والله الله بالمعدل العالي بعدين ماتحتاجين شي؟ اسيل: سلامتك عبدالعزيز: لاتستحين ماتحتاجين لمدرسات خصوصيات؟ اسيل: لاوالله مايحتاج عبدالعزيز:إذا فيه إحراج لك مع أهلك أعطيني رقم حسابك وأدخل لك فيه مبلغ (حساب للمدرسات) اسيل:لا شكرآ قلتلك مايحتاج مشكور للمرة الثانية عبدالعزيز: اللي يريحك بس لوتحتاجين شي مايردك إلا لسانك اسيل: يعطيك العافية ماتقصر عبدالعزيز: يالله باي اسيل: باي (إنتهت المكالمة) اسيل كانت بتطير من الفرحة خاصة وإنها ماقد توقعت هالشي بس قررت إنها لما تتأكد من صدق كلامه تقول له هي مين؟وأخوها مين؟ وكمان قررت إنها تنسى كل اللي قاله عبدالعزيز وماتفكر في هالوقت إلا بمذاكرتها لأنها كانت تبغى تثبت شطارتها وتفوقها لعبدالعزيز وبعد أيام إتصل عبدالعزيز يتطمن عليها وعلى مذاكرتها عبدالعزيز: مساءالخير اسيل: أهلين مساءالنور عبدالعزيز: هاه إش سوت حبيبتي إنشاءالله شادة حيلها في المذاكرة؟ أسيل: إيه والله عبدالعزيز:بالتوفيق ياقلبي وبعدين بسألك إنت فكرتي في اللي قلتيه ومتأكدة منه اسيل:إيه عبدالعزيز:خلاص أنا راح أكلم أمي اليوم عنك و اسيل قاطعته: ألحين لا عبدالعزيز: ليه؟ اسيل: إنت ناسي إنه مو وقته أنا على وشك إختبارات عبدالعزيز:Ok بس أنا راح أفاتحها بالموضوع وأعطيها خبر اسيل:بعدين أنا خبيت عنك شي ولما تأكدت من مشاعرك بأصارحك فيه عبدالعزيز: وشهو؟ اسيل: قبل ماأقولك هالشي بسألك إش راح تقول لأمك عن إسمي؟ عبدالعزيز: إيه صحيح ماأدري خلاص بأقول مالها إسم بس تحب إسم حنان {ثم ضحك وشاركته اسيل الضحك}، عبدالعزيز: صدق ياقلبي إش إسمك؟ اسيل: اسيل عبدالعزيز: والنعم اسيل: ينعم حالك عبدالعزيز: وإش الشي اللي بتصارحيني فيه؟ اسيل: إنت تعرف أخوي عبدالعزيز: لا اسيل: أنا ماأسألك أنا أعطيك خبر عبدالعزيز بإستغراب: أنا أعرف أخوك!!! اسيل: إيوه عبدالعزيز: منهو أخوك؟ اسيل: فهد ال*** عبدالعزيز: والله يشرفني هالنسب اسيل تبتسم: عبدالعزيز: وإش أخبار فهد؟ اسيل: تمام، عبدالعزيز: ترى فهد خويي وزادت غلاته لما عرفت إن الغالية اسيل أخته اسيل: هذا من ذوقك، ممكن أكرر سؤالي وأقول إش إسمك؟،،إنت إسمك رائد ولا زياد ولاعبدالعزيز؟ عبدالعزيز وهو يضحك: أنا أسمي الحقيقي عبدالعزيز ولما قلت لك إسمي زياد لأني راح أغير إسمي من عبدالعزيز إلى زياد اسيل وقد إقتنعت:حتى إسم عبدالعزيز حلو عبدالعزيز:قلبو أنا خلاص عزمت أكلم الوالدة تكلم والدتك اسيل: عبدالعزيز: أسولتي في خاطرك شي قوليه؟ اسيل: أنا ماكان ودي أسوي اللي سويته عبدالعزيز: حبوبتي إحنا ماسوينا شي غلط اسيل: أنا ودي أصارح أمي بكل شي بس أخاف تزعل مني، إش رأيك؟ عبدالعزيز: تبغين شوري ياقلبو صارحيها اسيل: أنا خايفة عبدالعزيز: أمك متفهمه ولا متعصبة شوي؟ اسيل: بالعكس أمي متفهمة بس أنا أخاف لما أصارحها بكل اللي سويته تنصدم لأني ماقلت لها الا في وقت متأخر وأنا ماأحب أزعلها عبدالعزيز: خلاص لاتقولين لها عن شي ولا تشيلين هم أنا راح أقول لأمي لأن أمي فري للآخر وتتقبل أي شي وبأخليها تكلم أمك على أساس إني شفتك مع فهد في المستشفى لما كنتي تراجعين عندنا وإنك أعجبتيني وأبغاك اسيل: بس والله مو حلوة في حقنا نكذب وأذا أمك قالت لأمي أنك شفتني مع فهد في مستشفى*** لما كنت أراجع عندكم أمي انا بتقول بنتي ماقد دخلت هالمستشفى عبدالعزيز: أنا راح أقول ل أمي ماتقول ل أمك عن هالشي اسيل: وإذا قالت لك أمك وش مواصفاتها، إش بترد عليها؟ عبدالعزيز: تصدقين ماني متذكرك زين لما شفتك مع فهد في السوبرماركت أتذكر بس طولك ومو متأكد منه كمان ومن جهة أمي تطمني أمي مو من النوع اللي يسأل اسيل: والله ماأدري إش أقولك بس تكفى لا تقول لأمك ألحين خلني أفكر عبدالعزيز: تفكرين في ايش حبيبتي إنت فكري بس في مذاكرتك والباقي خليه على زوجك وحبيبك عبدالعزيز اسيل وهي تبتسم: أحاول بس تكفى إدع لي عبدالعزيز:إنشاءالله وكمان لازم تذاكرين زين باي قلبو اسيل: باي (إنتهت المكالمة) اسيل كل ماتذكرت الي سوته كانت تخاف إن قراراتها العاطفية تتغلب على أفكارها العقلانية وتمنت لو فيه إنسانة تحكي لها وتفرح لفرحها وتحزن لحزنها وتعطيها النصيحة وتذكرت صديقتها <هدى> بس تذكرت ظروف هدى الصعبة وهونت لانها ماكانت تبغى تشغل لها بالها أكثر ولأن ظروف هدى ماتسمح لها عشان تسمع لأسيل وبعدين فكرت إنها تلجأ إلى مصارحة <دالين> أختها راحت اسيل للصالة كانت جالسة فيها دالين بعد مذاكرة طويلة وكانت دالين تقلب بين القنوات الفضائية دالين: هلا أسولة اسيل: هلا فيك دالين: خلصتي مذاكرة المنهج؟ اسيل: لاوالله بقي لي تقريبآ محاضرتين وأنهي هذا المنهج وببدأ في الثاني دالين: الله يعينك اسيل:وإنت ياحلوة ليه جالسة هنا ماعندك مذاكرة؟ دالين: أنا بديت في المواد اللي معها إختبار مادة ثانية في يوم واحد اسيل: لاتنسيني السؤال اللي سألتك إياه لأنك عارفة إني راح أزفك ألحين بكلمتين (تضحك اسيل وتشاركها دالين الضحك) دالين: لا والله ذاكرت بس قلت خليني آخذ وقت راحة وأسوي جولة على هالقنوات اسيل: وكيف جولتك التفتيشية إنشاءالله حلوة؟ دالين: بالعكس جولة مملة ومافيها شي مشوق اسيل قالت لنفسها زين خليني أقولهاألحين دام ماعندها شي: دالين: نحن هنا ، الحلو وين راح؟ اسيل: دالين فيه شي أبغى أقوله لك ولو إني مفروض ماأقولك ألحين عشان ماأشغلك عن مذاكرتك بس صدقيني لو ماني مضطرة كان أجلته دالين: قولي إنت ناسية إني أختك واللي يشغلك يشغلني اسيل: بأقول وبدون مقدمات عبدالعزيز يكلمني وأحنا نحب بعض وعبدالعزيز قال إنه راح يكلم أمه تكلم أمي عشان يخطبني دالين: اسيل إشفيك؟ أنا أدري إن أحلام اليقظة تزيد فترة الإمتحانات بس مو لهاالدرجة!!! اسيل: دالين أرجوك أنا أتكلم جد لاتخليني أندم إني صارحتك دالين بعد أن تأكدت من جدية أسيل: كيف؟ ومتى صار كل هذا؟ اسيل: تقريبآ من شهر دالين: هو قال إنه يحبك وراح يخطبك؟ اسيل: إيه والله لما إعترفت له بحبي دالين : أمي عرفت بهالشي؟ اسيل: لا ، إش رأيك إش أسوي أقول لها ولا ماأقول؟ دالين: والله ماأدري عنه صادق ولا كذاب! اسيل: أحساسي يقول إنه صادق هالمرة واللي بيسويه بيأكد لي صدق إحساسي دالين تحاول تتقبل اللي سمعته : اسيل: دالين أنا أحبه وأموت فيه واحس إني صرت متعلقة فيه وهويستاهل حبي دالين : ماأدري إش أقولك، بس إنت كمان تستاهلين الحب وإذا تبغين رأيي أمي وأمه لا يدرون بهذي المكالمات والله مو حلوة لا في حقك ولا في حقه وخصوصآ إن الزواج التقليدي هو المنتشر عندنا إحنا يالسعوديين، وكمان بأنصحك نصيحةأخت خايفة عليك وعلى سمعتك اسيل حاولي تقطعين المكالمات اللي بينك وبينه إلين يصير كل شي رسمي اسيل: ماأقدر أوعدك بس بأحاول والله مايهون علي أشوفه يتصل علي وأطنشه وعالعموم مشكورة ياحبيبتي على هالوقفة دالين: واجبي لاتشكريني اسيل: دلولتي تصدقين بالعادة أنا كنت قبل ماأسوي أي شي أفكر فيه مليون مرة عشان ماأحكم بعواطفي وأندم طول عمري بس ألحين أنا متطمنة ومرتاحة عشان لو بأسوي شي غلط بدون ماأحس ألقى من ينبهني دالين قامت وضمت أسيل وبكت: اسيل ياعمري صدقيني إذا عبدالعزيز صادق معك راح أكون أسعد أخت لأنك إنت طيبة وحبيتية بكل أحساس وتستاهلين اللي يرد لك المعروف اسيل تمسح دموع دالين: دلولتي ياقلبو لاتشيلين همي عبدالعزيز كفو وإنشاءالله بتثبت لك الأيام صدق كلامي دالين إبتسمت وراحت: بعد يومين إتصل عبدالعزيز عبدالعزيز: هلا اسولة والله وحشتيني اسيل: إنت أكثر عبدالعزيز: كيف المذاكرة؟ اسيل: تمام عبدالعزيز: أنا بصراحة زعلان منك بالمرة اسيل: ليه إش سويت أنا؟ عبدالعزيز: إنت ألحين بإختبارات وأكيد تحتاجين لأي شي بس إنت ماطلبتي مني ولا شي اسيل: شكرآ ماأبغى شي عبدالعزيز: شفتي بالمرة مو معتمدة علي هذا وأنا راح أصير لك زوج اسيل: وربي ماأبغى شي ولا محتاجة لشي عبدالعزيز: مو كيفك إجباري اسيل: Ok بأطلب منك يا عبدالعزيز أنا أبغاك تهديني صورتك عبدالعزيز: يؤيؤيؤ صورتي مرة وحدة اسيل: لاتقول لا ، أنا والله هذا الشي الوحيد اللي أتمناه عبدالعزيز: ماأدري إش أقولك أحرجتيني وكيف تبغين الصورة بزي الشغل ولا بالبدلة ولا الزي السعودي(يضحك) وبعدين أخاف تغيرين رأيك فيني لما تشوفين الصورة اسيل:عبدالعزيز ترا ملامحك لسه في بالي مانسيتها ولاتظن إني لوشفت صورتك راح أغير رأيي فيك لا مستحيل عالعموم أنا آسفة شكلي سببت لك إحراج بس وربي ماقصدت أحرجك وأنا ماطلبتك هالطلب إلا لأنك أصريت إنك تقدم لي هدية خلاص إنسى إني طلبتك هالطلب وإنسى موضوع الهدية كله لأني أشوف مافيه داعي إنك تعطيني أو تهديني شي ألحين عبدالعزيز: حبوبتي لاتزعلين اسيل: لا مازعلت أمر يخصك ومن حقك تقبل أو ترفض عبدالعزيز: إذا بتزعلين بهون وبأعطيك صورتي اسيل: وأنا مستحيل أجبرك على فعل شي إنت مو قابل فيه، أرجوك ياعبدالعزيز خلاص إنسى الهدية وأنا والله مازعلت عبدالعزيز: Ok الله يهديك نسيتيني أقولك أنا كلمت أمي عنك اسيل: والله؟ عبدالعزيز: والله وبصراحة عاتبتني قالت: سويت كذا مع أخت صديقك والله عيب والحمدلله مادخل بينكم الشيطان ولو إنك قلتلي وخطبتها لك وصارت هالمكالمات اللي بينكم بالحلال مو أحسن ، اسيل: والله صادقة بعدين ترى أمك وأمي أفهم مني ومنك في هالدنيا بس يالله صار اللي صار عبدالعزيز: وأختي لما قلت لها هددتتني وقالت: عبدالعزيز لاتكون من هالشباب اللي يلعبون بمشاعر البنات بس لما تأكدت من مشاعري وكلمتها عنك فرحت لي وتشوقت إنها تشوفك في الجامعة وتتعرفين إنتي وياها على بعض اسيل: يوووه والله أستحي عبدالعزيز: من إيش تستحين! بعدين تراها كبرك ومعك في نفس الجامعة ونفس الكلية هاه وش قلتي؟ اسيل: عبدالعزيز بالأمانة لاتحرجني خلني أفكر والله أحرجتني مالي وجه أقابلها وش أقولها أنا حبيبة أخوك والله فشلة الله يهديك ماكان لازم تقول لهم ألحين أكيد إنتقدوني عاللي سويته ولاموني عبدالعزيز: بالعكس أمي طايرة من الفرحة لأنها بتزوجني وتراها حبتك وكل شوي تسألني عنك وصارت تناديني في البيت أسيل اسيل: والله صحيح تصدق فرحتني ، عبدالعزيز أبغى أقولك شي بس أرجوك تتفهمه عبدالعزيز: وشهو؟ اسيل: وأنا كمان قلت لأختي وخافت علي بس طمنتها وأقنعتها بصدق مشاعرك تجاهي وحسيت منها إنها إقتنعت بس إقترحت علي إنا مانصارح أمهاتنا أنا وإنت علشان نحافظ على صورة ومكانة بعض قدام أهالينا وطلبت مني أقطع مكالماتي معك إلين يصير كل شي رسمي عبدالعزيز: لا أرجوك كل شي ولا هالشي، وبعدين من هي أختك هي اللي متزوجة؟ اسيل: لا أختي اللي إصغر مني بس أنا أقتنع بآرائها أحس إنها ماشاءالله عليها أفكارها عقلانية وإسمعني الله يخليك هالمكالمات مو حلوة في حقنا عبدالعزيز: إنت اللي إسمعيني صدقيني ولو إن ظروفي ماتسمح بس راح أعجل بالزواج بس أرجوك لا تقطعين المكالمات إنسي أنا تعلقت فيك وإذا بتقطعينها راح أتعذب اسيل: لا خلاص ماراح أقطعها انا ماأقدر أزعلك عشان أقدر أعذبك الله يخليك لي بس الله يخليك عجل بالملكة عشان مكالماتنا تصير بالحلال عبدالعزيز: إنشاءالله بأتصل على فهد اليوم وبسولف معه صارلي منه يمكن سنتين وبعدين بطلب منه رقم بيتكم بقوله أمي تبغى أمك بموضوع اسيل: الله يسهل يالله أخليك أنا عشان أذاكر وبليز إذا كلمت فهد طمني عبدالعزيز: إنشاالله والله يوفقك ، بااااي قلبو اسيل: باي (إنتهت المكالمة) وبعد المغرب من نفس اليوم إتصل عبدالعزيز ب فهد طبعآ فهد كان يجهل رقم عبدالعزيز بس بعد أن سمع صوته تعرف عليه سأل عبدالعزيز عن أحوال فهد وأخبره بأنه قد غير إسمه من<رائد> إلى عبدالعزيز فهد ما صدق اللي سمعه بس الأمر ماكان يهمه وبعد أن إنتهت المكالمة إتصل عبدالعزيز ب أسيل وحكى لها الكلام اللي دار بينه وبين أخوها من طق طق إلى السلام عليكم بس أسيل زعلت وقالت: ليه ياعبدالعزيز بدأتها بالكذب؟! إنت إسمك ماكان رائد وغيرته إلى عبدالعزيز!! عبدالعزيز: إسمعيني لو قلت له إن كذبت عليه بإسمي لأني لما كنت أشتغل دوامين في المستشفى وفي السوبرماركت وتجي لي مضايقات من الزباين ويطلبوا مني أتوسط لهم بالمستشفى عشان كذا إضطريت أستعير إسم رائد أثناء دوامي في السوبرماركت ولو قلت له هالسبب ماراح يصدق أسيل: بس إذا عرف إنك تكذب عليه إش راح يكون موقفك؟ عبدالعزيز: ماراح يعرف، بعدين ياأسولة تكفين لاتقولي ل فهد عن علاقتي معك اسيل: لا ماراح أقول له عبدالعزيز: أمانة ياأسيل أنا أخاف تتهورين في يوم وتقولي له اسيل: لا لاتخاف ماراح أجيب له طاري عبدالعزيز: خلاص ياقلبي وأنا بأرجع أتصل عليه بعد يومين وأطلب منه رقم البيت ok اسيل: خلاص Ok عبدالعزيز:يالله باي اسيل: باي إنتهت المكالمة ومرت اليومين ولم يتصل عبدالعزيز وفي اليوم الثالث قلقت أسيل على عبدالعزيز لأنه ماإتصل على أخوها زي ماوعدها فإتصلت به اسيل: عبدالعزيز عبدالعزيز: هلا وغلا اسيل: عبدالعزيز إشفيك ليه ماإتصلت؟ عبدالعزيز: اليوم إنشاءالله بأكلمه بس أنا أستحيت أتصل أمس أخاف يستغرب إتصالي اسيل:كيف يعني؟ عبدالعزيز: لاتخافين اليوم أوعدك بأتصل اسيل:Ok بعدين طمني عبدالعزيز: إنشاالله إنت تآمرين أمر اسيل: مايآمر عليك عدو عبدالعزيز: يالله باي اسيل: باي مر هذا اليوم بدون ماينفذ عبدالعزيز وعده، اسيل زعلانة وكانت تسأل نفسها إشفيه عبدالعزيز هاليومين أحس فيه شي؟!! أحسه مو عبدالعزيز اللي عرفته!! حتى آخر مكالمة أحسه مو عبدالعزيز اللي أعرفه!!! خلاص أنا راح أتركه وماراح أتصل فيه يمكن مايبغاني بس في اليوم التالي إتصل عبدالعزيز ب فهد،، بس فهد ماكان جنب جواله ولما شاف الرقم عرف إن هذا عبدالعزيز وطنش وماإهتم بها الإتصال عبدالعزيز كرر إتصاله ثانية وثالثه ورابعة وخامسة بس فهد كان مطنشه لأن فهد زي ماذكرت مايحب تكون صداقاته كثيرة وخصوصآ إنه مو مرتاح ل عبدالعزيز اسيل طبعآ عرفت من إختها دالين بإتصالات عبدالعزيز على فهد وعرفت كمان إن فهد طنش كل إتصالاته ومارد عليه بعدين إتصلت على عبدالعزيز اسيل وهي محتارة ومو عارفة إش بتسوي: عبدالعزيز عبدالعزيز بصوت حزين: هلا ياحبيبتي اسيل: عبدالعزيز أنا عرفت بإتصالاتك على أخوي فهد بس معليش إعذره بس هو مايحب تكون صداقاته كثيرة عبدالعزيز: ماكنت بضيق صدرك بس دامك عرفتي بسألك ياأسيل فهد قاصدني أنا شخصيآ؟ اسيل: لا مايقصدك بس هو مايحب كثرة الصداقات عبدالعزيز: اسيل ياعمري صدقيني هذا الشي مابيغير حبي لك بس حتى آخر مكالمة اللي كانت قبل أيام أحس إنه كان يكلمني عادي ومع إني فاجأته بمكالمتي من بعد سنتين بس أحس إنه مو فرحان بإتصالي وكأنه متضايق اسيل: والله ماأدري ياعبدالعزيز عبدالعزيز ولايزال الحزن بنبرات صوته: والله بيضل فهد غالي وبأحاول معه إلين يرد وماراح أتركك وأتخلى عنك بهالسهولة إنت ماتعرفين إنت إيش بالنسبة لي اسيل وقد قاسمت عبدالعزيز حزنه: عبدالعزيز أنا آسفة على الإحراج اللي سببته لك عبدالعزيز أنا والله أحبك عبدالعزيز: أدري ومايحتاج تتأسفين إنت مابدر منك شي أنا بأرجع أتصل وإنشاالله يرد اسيل: إنشاءالله بس إنت على كل الأحوال طمني بالي مشغول عبدالعزيز: يالله باي اسيل:باي إنتهت المكالمة فتحت أسيل إحدى الصفحات في دفتر مذكراتها وكتبت: ليت الوجع بعروق قلبي ولا فيك.. وليت التعب غلطان ساهي ولا جاك.. لو الشفا بضلوع صدري لداويك.. واطحن جميع ضلوع صدري فداياك.. الله من شر المقادير يحميك.. والله يحفظـــــك ياعيوني ويرعـــــاك... بعدها ب5 دقايق أرسل عبدالعزيز رسالة ل فهد مضمون الرسالة إنه يبغاه في موضوع ضروري ومهم وكتب في نهاية الرسالة (تحياتي أخوك عبدالعزيز) بس فهد كان يصلي في المسجد وترك جواله في غرفته،، عبدالعزيز بعدما أرسل الرسالة بدقيقتين كرر إتصاله ب فهد بس فهد كان لايزال في المسجد بعدها دق على أسيل عبدالعزيز: قلبي دقيت ألحين بس ما رد! اسيل: عبدالعزيز أنا طرأت علي فكرة إش رأيك أنا اللي بأعطيك رقمنا الثابت؟ عبدالعزيز: بس أمك بتسأل أمي من وين جابت رقمكم! اسيل: قل إنك إحتفظت بالرقم في جوالك لما إتصل عليك فهد قبل سنتين عبدالعزيز:Ok فكرة خلاص إرسلي لي الرقم مسج لأن ماجنبي ورقه وقلم اسيل: خلاص Ok وأنا والله متأسفة ياعبدالعزيز عاللي صار لك اليوم بسببي عبدالعزيز: كل شي لجلك يهون اسيل: عساني ماأنحرم منك عبدالعزيز: ولا منك ياقلبي اسيل: يالله باي عبدالعزيز: باي وأنا بإنتظار مسجك إنتهت المكالمة اسيل سجلت الرقم وأرسلته بسرعة التوقيع | |||||||||||||||||||
 |
 |
| خيارات الموضوع | |
| طريقة العرض | |
| |
 مواقع ننصح بزيارتها | |||||
 |  |  |  |  |
النمط المتتابع
