سكربتات ماسنجر

19-12-2007, 04:10 م

سكربتات ماسنجر

هذي 19 سكربت مخصصة للماسنجر بلس ..

مع شرح مبسط لكل سكربت !

للأمانة !

الموضوع منقول بتصرف .

(1)
تغيير الخلفيه

وش رايك بالخلفيه هذي ؟

تبي تغير خلفية الماسنجر بصورة من عندك .. حمل هالسكربت ..

=-=-=-=-=-=-=-=

(2)
تغيير صورة العرض باستمرار

الطريقه هي انك تنزل السكربت , تختار مجلد الصور الي تبي البرنامج يغير بينها ..
طبعاً تقدر تغير الوقت الي تجلسه الصوره الوحده .. تبي تخليها 30 ثانيه او دقيقه , على كيفك ..

=-=-=-=-=-=-=-=

(3)
تخزين صور الاخرين بشكل اوتوماتيكي

نزل هالبرنامج وهو بيصير يشيك على صور الاشخاص الي اونلاين كل 5 دقايق ..
اذا لقى الصوره متغيره يقوم يخزنها في مجلد بايميل الشخص صاحب الصوره وعلى كذا ..
برنامج مميز للي يحبون يزرفون صور العالم ..

=-=-=-=-=-=-=-=

(4)
الرد الآلي

برنامج مصمم لي ..
ههههه وللزوله الاخرين الي يشاركوني هواية الزولنه ..
مثال للبرنامج اذا احد قال " السلام عليكم " ..
بشكل اتوماتيكي يرد عليه البرنامج " وعليكم السلام " ..
طبعاً تقدر تضيف للبرنامج عدد لا محدود من الكلمات وردودها ..

=-=-=-=-=-=-=-=

(5)
الترجمة من قوقل

بدل ماتروح لموقع قوقل اكتب الكلام الي تبي تترجمه في صفحه المحادثه واضغط F5
بيطلع لك نافذه فيها الترجمات من الى .. اختار الي تبي ..
برنامج مفيد صراحه ..

=-=-=-=-=-=-=-=

(6)
اظهار الايميل في الوصف

هههههه اسم السكربت غبي صح ؟ .. للتوضيح هذي صورة قبل وبعد تركيب السكربت ..

قبل ..

بعد ..

اتوقع ينفع للي يفتحون اكثر من ماسنجر ^_* ..

=-=-=-=-=-=-=-=

(7)
منبه لتواريخ الميلاد

تحط فيه تواريخ ميلاد ربعك .. واذا جاء يوم ميلاد واحد منهم ينبهك البرنامج لهالشي ..
طبعاً كل واحد ينزل السكربت يحط تاريخ ميلاد (غالي الأثمان) 15 مارس .. الحين محد له عذر مايجيب لي هدية ..

=-=-=-=-=-=-=-=

(8)
عداد الوقت

يحط عداد تنازلي او تصاعدي في مكان "الرساله الشخصيه"..
بالايام والساعات .. تقدر تحط مثلاً عداد كم باقي على العطله ..

=-=-=-=-=-=-=-=

(9)
رسالة شخصية متحركة

ما انصحكم فيها ..

لأنها بتبثركم شوي ..

=-=-=-=-=-=-=-=

(10)
سكربت انا ماصل , شفني

لاني اسمع في الديموقراطيه حطيته والا ماودي احطه ..
وصف السكربت .. يخليك تطلع المربع حق "فلان قد قام بتسجيل الدخول" اكثر من مره ورى بعض عند المضافين عندك ..
في نظري هالسكربت هو من اهم الاسباب في نظريه البلوك + ديليت ..

=-=-=-=-=-=-=-=

(11)
تصليح الاغلاط

بعض الاحيان تكتب وماتدري الا وانت كاتب كذا ..
wfhp, hgodv s;hd
او العكس تجي تكتب انقليزي وتكتب كذا ..
هطة بهىث و صاشف شلاخعف غخع؟
السكربت هذا يعدلها لك بسرعة ..

=-=-=-=-=-=-=-=

(12)
عداد للكلمات والحروف

يعرض في "الرسالة الشخصيه" .. عدد المحادثات المرسله والمستقبله وعدد الحروف بداية من تسجيل الدخول ..
طبعاً البرنامج غير متوافق مع ماسنجر الفتاة السعوديه .. لانه بيتعب وهي ما خلصت من البربره ..

=-=-=-=-=-=-=-=

(13)
ستايلات للكلام

يخلي كتابتك مزخرفة وملونة بشكل جمالي ..

مثل الصورة ..

لكن مكان كلمة ماسنجر الكلام اللي انت كتبته ..

=-=-=-=-=-=-=-=

(14)
الببغاء

ههههههه افضل برنامج يتعامل مع الناس القلق ..
وظيفته اذا انغثيت من واحد شغله له .. يصير اي كلام يقوله لك , يرد عليه البرنامج بنفس الكلام ..

=-=-=-=-=-=-=-=

(15)
الكتابه بلون متدرج

تختار لون لبدايه التدريج ولون للنهايه بعدين تسكر البرنامج ويصير كل كلامك مكتوب بلون متدرج ..

=-=-=-=-=-=-=-=

(16)
السارق البجيح

بجيح على اسمه .. البرامج الثانيه تسرق صوره العرض بس ..
الاخ الي عندنا هنا يسرق النك نيم و الرسالة الشخصيه وايضاً صورة العرض ..

=-=-=-=-=-=-=-=

(17)
تغيير النك نيم او الرساله الشخصيه باستمرار

على اسمه يغير النك نيم او الرساله الشخصيه بشكل اوتوماتيكي ..
تسويلك مستند نص فيه النك نيمز الي تبيه يغير منها .. وتربطها مع البرنامج ..
ينفع لكلمات الاغاني ..

=-=-=-=-=-=-=-=

(18)
تدرجات الالوان (متقدم)

يسوي تدرج الوان للكلام .. البرنامج متقدم اكثر من البرنامج رقم (15) ..

=-=-=-=-=-=-=-=

(19)
تخزين النك نيمز

يخزن النك نيم والرساله الشخصيه بشكل اوتوماتيكي في مستند نص وتقدر ترجعلها بعدين ..

=-=-=-=-=-=-=-=

معلومات عامه للتعامل مع السكربتات ..
لاضافه سكربت .. اضغط عليه , بيطلع نافذة حط صح في المربع واضغط "Import" ..
لتغيير اعدادات سكربت ما .. من نافذة المحادثه اضغط على شعار البلس .. بيطلع لك السكربتات الي منزلها عندك ..
لحذف سكربت .. من شاشة خيارات البلس نروح لـ "scripts" .. نشيل الصح من قدام السكربت الي نبي نحذفه .. بعدين نضغط "remove" ..

طبعاً السكربتات كلها موجوده في المرفق ..

19-12-2007, 04:56 م

ياااااعيني عليييك ياغالياانوو

ماخليت شي ماجبببته ياخطييييير

كلهم اعجبووني وشكلي بخمهم كلهم

غالياانو الله يعطيك الف عاافيه

19-12-2007, 05:15 م

ღ < ..غـآلي الأثمـآآن ..> ღ

▪
▫

سكربتـآآآآت حلووووهـ كل أبوهـآ

مجهود حلوو منـك تستحق الشكر عليه (( وبقوه ))

تسـلم يمنـآآك ..وربي يعـطيـك الـف عـآفيـه ..

دمـت بـِ ود ..

▪
▫

.!. تحيـآتي الع ـطـرهـ .!.

19-12-2007, 05:17 م

الله يعطيكـ العافية أخوي غالي ..

متميز كالعاده ..

لا تحرمنا جديدكـ ..

19-12-2007, 05:30 م

ابداع
يعطيك العافيه...

تقبل مروري...

19-12-2007, 06:02 م

كل الشكـر والتقديـر لك أخـوي
غالـي الاثمـان على المجهـود
الله لايحرمنـأ منك يالغلا
تحيـاتي الخـاصـه لك .:
.:][ رفـيـع الـ/ـّذوق][:.

19-12-2007, 06:31 م

يعطيك الف عافيه غالي..

مجهووود اكثر من رائع..

اقل مايقال لكـ شكرا..

دمت مبدعا..

لعيون سارهـ

19-12-2007, 07:08 م

موضوع مميز ......

يسلمووووو غالي الأثمان ع المجهود .......

19-12-2007, 07:54 م

وهـ بس

فديتك يآششيخ . وينك منذو مبطي إنت

فللله آلسكربتآت وخآصتـن آلببغآء .. ههههههه

قسـم إن آجنن ديبـع فيهن ، إصبر علي بس

ديبـع < صديز آلطفولـه طبعـن .

مآقصـرت يآبعـدي .. سكربتآت زوينـه وإنت آزين طبعـن ، مآبهآ خـلآف

ننتظر جديدك يآبعـدي ..

وـآلله يجيب منك وآجد إن شآء آلله .

< على جبهتـك

<

..

20-12-2007, 12:02 ص

جااااااااااااري التحمييل ...

رهييييييب يا غااالي ..

يسلمووووو اخووووي المبدع غااالي الاثمااان على هذا الموضوع الروووعه ...

ويعطيك ربي الف عاافيه ..

وفي انتظااار جديدك الراااائع ..

20-12-2007, 03:07 ص

سكربتـآت أكثــر من رآئعـة ..

لكـ منـي أجمـل و أرق التحـآيـآ علـى مآ نقلتـه لنـآ ..
تحيـآتي و تقديري