جلابيات

بسم الله الرحمن الرحيم ..

هذي مجموعة من الجلابيات جمعت صورها من أكثرمن موقع ..

وكتبت لكم نبذه عنها من معلوماتي المتواضعه ..

ملاحظة : الجلابيات مناسبة للمرأة الطويلة يعني القصيرة لا تزعل مني ..





هذي الجلابية عبارة عن قطعتين ولونها مناسب لسيدة متوسطة السن ..
ملاحظة : حتى المراة القصيرة مناسبة لها لوتقصر من الطول ماراح يخرب الموديل ..












هذي جلابية .. لكن الستايل على موديل فستان .. مررره حلوه مناسبة للبنوتات الصغيرات بس يكون لون فرايحي .. تخيلوا لو كان اللون تركوازي .. والاكسسوار لونه فضي اعتقد راح تكون اكثر من رائعة .. ملاحظة : القرعاوي عنده اكسسوارت ما تفرقها عن الالماس بشيء واغلى من الذهب..











هذي جلابية جايه تقريبا على موديل فستان واسع ومناسب للمرأة الحامل وتكون البطانة واسعة شوي ..











هذا الموديل من الجلابيات هو اللي يسمونه الفرعوني .. وفيه حزام على الخصر كيلو بترا.... حتى بعض الموديلات من الاحزمة تكون صغيرة وقصيرة .. وتكون ربطة على الراس ..
حتى فكرة الشبك حلوه على اطراف اليدين وفي الاسفل .. بس ما انصح فيه يمكن يتشقق قبل المناسبة ..
الجلابية اللي فيها حزام ما تنفع الا للرشيقة بس .. الدبه مالها مقعد ..











هذي الجلابية مره حلوه .. حتى اللون هذا خنفشاري .. والاكسسوار النحاسي اكثر من رائع على هذا اللون .. حتى ان هذي الجلابية تلبس في الفرح يالشكل المعروض .. وتخيلي لو كانت القطعة الداخلية بس دون الشال الخارجي النحاسي .. راح تكون ملكه ..











هذي الجلابية مناسبة للمناسبات الصغيرة والزيارات والاستقبال .. وينصح بالالوان الفريحية الفاتحة .. حتى موديلها هادي .. والتطريز خفيف وحلو .. وحتى لو كان فيه شغله على الظهر مره حلوه قابلة للتقصير والموديل مايخرب .. بس ينصح بخياطه جيدة ..











هذي الجلابية ماهيب شينه بس المشكله ماراح يكون فيها اكسسوار على الصدر موديلها يخنق .. وهي على فكرة خلية النحل وفكرة الدوائر حلوه .. قابلة للتقصير ..











النوع من الجلابيات هذي يعجبني صحيح كله شكوك وشغل بس حلو ومناسب لمرأة كبيرة .. وحتى الموديل جاي مخصر فعلى هالاساس الدبى مالها مقعد ..

الموديل ينفع للمناسبات الوطنية وفكرة تراثية حتى اللون مناسب ... تواجه في مناسبات وافراح ..











الموديل حلو بس اللون هذا مو حلو .. الصدف هذا جدا مو زين اللي على الصدر ويطيح من الصدر بسرعة تنفع للبنات الصغار











نصائح عامة لمن تهوى لبس الجلابية :

1- لبس الكعب العالي جدا .

2- الابتعاد عن الجلابية اللي فيها اكسسوار وصدف وقطع حديدية .

3- اختيار اللون المناسب للعمر المناسب والحرص على التميز في الاكسسوار .

4- الابتعاد عن اللي فيها شكوك قوية .

5- لمن تكون الجلابية جديدة في عالمها الخاص والتي تتحير في الذوق انصحها بالجلابية اللي تتكون من قطعتين .


اخيرا .. اتمنى ان يحوز ماقدمت على رضاكم ..

وكنت اتمنى ان يسعفني الوقت لإضافة اكسسوارات وشنط تتلائم مع الجلابيات المذكورة أعلى ..

لكني اعدكم بإنزالها في أقرب وقت ..

وللمرة الثانية انوه ( الصور من تجميعي والتعليقات من معلوماتي المتواضعة واتمنى من اي شخص يريد نقل الموضوع يذكر المصدر مع اسم الكاتب ) .






تحياتي الرفيق فابيانو