::+ ع ـيْدْكْ [بـِ مَكّهْ] غْيْيْرْ +::

3:15 قبل الفجر
بعد القيام وأول مادخلنآ الشقه ..
لقينآ د.تويكس مكشخ لنـآ السفره .!
والسحوور جآهز وكلش ..,
وفآتح لنـآ البآب ومستقبلنـآ استقبآل مَلَكي

طبعـآ كنت وقتهآ جوعآآنه .. مآ أكلت إلا 3 تمرآت وكآس مويه ..
وقعدت ليييين القيآم !
بس زيين الحمدلله , عوضنـآ وصآر سحورنـآ من البيك
الموهيم .. جدعت عبآتي بالشقه ورحت اتسحر ,
خلصت متسحره ,
وخذيت المفتآح من أبووي رحت لشقتنـآ ..
وأول مادخلتهآ صورت المفتآح


(لآتستغربون وشلون طسيت لشقتنـآ
وانا متسحره بالشقه !!
لآن كآن معنـآ شقتين .. وحده للجده وخآلتي >> اللي هي اخت جدتي
ووحده لنـآ انا وعمتي ودكتورنـآ )
وسحوورنـآ وكل شيء .. يكون في شقة الجده

/

نمنآ ع الساعه 5:15 الفجر
و ع السآعه 1:30 ظهرآ
قومتني عمتي لصلاة الظهر،
دخلت دورة الميآه 'الله يكرمكم'
خذيت دش وتكشخت ..
< يقآلتس كآشخه ألحين
ويوم طلعت نمت ،، مآره بني نوم شديد جدن مره
/

4:00 العصر
قومتني عمتي من جديد .. فتحت عنوني .،، قعدت اهوجس شوي
ثم فجأه جلست كذآ ع حيلي

قلت/ انا صليت الظهر ولا لا !!
عمتي/ ايه .. هماني مقومتك؟
بـس ! تروشت ونمت !
ياربييييه استغفر الله بس هذا وانا بمكه بعد .. =(
و ع طول قمزت اتوضآ، واصلي الظهر والعصر'الله يعفو عنآ ويصفح >_<'
رجعت بكمل نومتي .. ونمت يمكن سآعه الا ربع ..
إلا ويجينآ ابوي .،،
قآل / يالله قوموا عشآن نروح للحرم..

المهم .. رحنآ للحرم،

هنآك نقرأ قرآن لين مايبقى شوي ع الآذان نجهز فيه فطورنا ..

/

5:52 العصر ..

هذآ وانـآ أقرأ .. قلت بصوور


<<

/

أذن المغرب ع السآعه .. 6:11 م
وأفطرنـآ ..


/

صلينـآ المغرب .. قعدت شوي كذآ فآآضيه مدري شسوي ..
قمت .. وانا ملتفته ع عمتي .. / ترآني بروح أصلي ركعتين عند الكعبه ..
- لآ لآ اخاف عليتس .. << مرره ذروقه
- لآ ان شاء الله مابه الا العآفيه .. بعدين بـ آصلي واجي =) .,
- طيب لو تبين شيء دقي علي ..
- طيب =)


بعدهـآ أول مآقمت ..
جت وحده مدري وش جنسيتهآ وكآنت تنآديني ..
رحت لهـآ .. وكآنت معصبه وقآلت لي كلآم مآفهمت شي منه, يعني عربي بس ملخبط !
بس أشوفهـآ تأشر ع ولد هندي
يمكن عمره 3 سنين .. كآن قدآمنـآ جآلس مع أمه وحرمه ثآنيه ..
ومعه جوآل ويصور !
قلت ../ وشو .؟!
اللي فهمته منهـآ انهـآ تقول روحي شوفيه يصورنـآ .. يعني تبيني أقول لآمه تاخذ الجوآل منه ..
قلت لهـآ / هو مصورنـآ ؟!
لآني اشوفه يصور امه ماجاب خبرنـآ ..
قآلت وهي مره معصبه / ايه جالس يصورنـآ
سلكت لهـآ .. ومشيت لآمه بس عشآن أطيب خآطرهـآ
وآحترت وشلون أبقرق معهـآ !!
الآم هنديه .. وآخآف انهآ ماتفهمني ..
قلت لهـآ بالاشآره وآنـآ أأشر ع ولدهـآ / تشك << يعني يصوور
وأأشر ع الحريمـآت اللي ورآ ..
ترجمة حتسيي لهـآ تسآنكم مآفهمتوآ ،/ شوفي ولدتس "تشك" يصور الحريمـآت
ردت // لآ لآ هذآ صور أمي
< تقول انه يصور أمه !

أنـآ وقتهـآ
ألحين أقرق معتس تسذآ واثرتس تفهمين !
اوووف بس
رجعت للحريمآت وقلت .. تقول انه يصور امه !
قآلوآ / تحسبنـآ آغبيآء مآنفهم شووفي يصور, ومدري وشو >> حسيتهآ مغربيه
سلكت لهـآ هي بعد .. ومشيت عشآن أروح برآآ للكعبه

ومشيت ليين وصلت عند الدرج اللي ينزلني للكعبه..
إلا واشوف نآس يصورونهآ .. قلت بصور مثلهم
وصورتهـآ ..


/
مشيت بآتجآه مصلي الحريم , إلا وهذيك الشرطيه اللي تهآوش الحريم حقت الحرم
معهـآ علبة مويه مليآن نصهآ وتطقهآ بيدهآ وتقوول /
ياللا ياللا لحد يجلس عند الطرف .. ياللا ياحجّه روحي صلي جوّآ ..
<< لآن بعضهم جآلسين عند الممر .. والرجال يمرون وتسذآ ,

الموهيم ..
أنـآ ع طووول كبرت , عشآن ماتقول لي شي
جت عندي وآنـآ آصلي وقآلت , صلي لك ركعتين وقومي ..

الموهيم ..
بالركعه الثآنيه , في آخر سجده .. طولت شوي
إلا وبزرآن يمشون من فوق رآسي .. واللي يصقعه واللي مدري وشلوون

الموهيم ..
رفعت من السجود وسلمت وقمت ع طوول
عآد هذي الشرطيه قآلت/ الله يجزآك خير
بلآني ع طوول صليت وقمت ..

/
رجعت لمكآننـآ وجبت لي موية زمزم بكآس ..
وشربته .. وجلست مكاني , ثم قعدت اتأمل وأتفكر بمخلوقآت الله ..
<< ابو التأمل يآشييخه !
يوووم تسذآ .. الكآس حق المويه كآن بيدي ..
ومع زود التأمل والحمآس قمت أعفّـطه ,
وانهبلت منه !!
مايتكسر .!
بس ينعفط .. مهووب مثل كيسآننـآ
عآد صورته



<< ماعمرهآ شآفت كآس

بعدهـآ .. كسرته بالغصب .. وخليته ع شكل شمس ..

الا وتجي وحده وتدوور علينـآ , شكلهآ حجآزيه ..
من مكه يآأبوويـآ

وزعت علينـآ حلآوة العيد ..

وتقول بالحجآزي // كوول عآم وانتوو بخير .. الله يعيده علينـآ وعليكم
قآلت عمتي .. تسلمين ياعمري .., ألحين ذي حلآوة العيد .؟!
< يقآلي تبي تشبك معهآ

- ردت .. هذي حلآوه
<< ايه ندري انهـآ حلاوه , بس تقول لك حقت العيد يعني ؟!

بعدهـآ مششت قدآم تووزع على بآقي الحريمآت !!
وكلن يمد يده ويآخذ ويوزي .. ثم يجيهآ يقول عطيني ..

عآآد صورت لكم الكآس أبو شمس مع حلآوة الحرمه .. /




/
صلينـآ العشآء والترآويح .. وخلصنـآ يمكن 10:15
طبعآ السديس هو اللي ختم في هآليوم ..
عآد سجلت لكم الختمه ..
4shared.com - online file sharing and storage - download ط®طھظ…ط© ط§ظ„ط³ط¯ظٹط³.amr


و ع السآعه 10:30 بعد الصلآة
رحت وانسدحت
<< ماتعوق معهآ
وحطيت رجل على رجل .. وقعدت ألعب بجوآلي ,,
بعد ربع سآعه تقريبآ .. اسمع صوت عمآل ..
واقووم والتفت واثرهم كثآآآآر مررره
دآخلين علينـآ يقولون قووموآ يلله > يبي يغسلوون المكآن..
ع طووول انا انهبلت كذآ فجأه سوو مدآهمه للمكآن .!!
حتى مآيقولون "يآولد" ولآشيء عشآن نتغطى !!
< بتنطق
قمت وصديت وعدلت غطوتي ولبست نقآبي وقمت
<< كآنت مكيفه مآآره تسنهآ ببيتهم

إلا وابوي ود.تويكس ينتظروننـآ ..
والدكتوور فآآآطس ضحك يقوول أحسن هذآ اللي ينسدح ويحط رجل على رجل
- نا نا نا

رحنـآ وجلسنآ ورآآ ننتظرهم يخلصوون مغسلين مكآننـآ عشآن نرجع له ..
وصورت لكم هالصوره والعآمل قآعد يطوي الفرشه ..



< لآحظوا الحرمه اللي جنبه .. مدري وش كآنت تحتري معهـآ كم كيسه ولآقآمت إلا يوم كبوآ الصآبوون !

/

ومع الفضآوه صورت لكم وش كآن ع يميني .!!!


/
بعد مآ لفو الفرشآت .. كآن فيه كم حرمه للحين مآقآموآ !!


/
مر من قدآمي رآعي زمزم .. هذآك الهندي
وصورته لكم ..
<< غصب إلا بتحسسكم أنكم جآيين معهـآ


/

بدأ العمآل ينظفوون بس للحين مآنظفووآ مكآننـآ .. قآعدين ينظفوون الجهه اليمنى ,
يآآآي كآن ودي أصورهم لكم .. يسلتوون المويه .. ويقعدوون يزآلقون بالصآبوون
وهـ كآن ودي أزآلق مثلهم

الموهيم صورت لكم الوصآخه اللي نآتجه عن تنظيفهم




< جآني إحسآس أنهم أسنع من سوكينه ..

/

العمـآل بلّشوو تنظيف مكآننـآ .. وأول خطوه عملوهـآ هييّ :: كب الصآبون
كبّوآ الصآبون والحريمآت لسّه مآقآموآ !!


/
قوموهم .. وبلّشوو تنظيف ..


/

11:50
بعد مآخلصوآ تنظيف .. رجعنـآ إلى حيث كنـآ ..

جلست شوي .. ثم قلت لعمتوو .. وين المسّحب حق البيك .؟!
<< مهربين البآقي من السحوور

قآلت شوفيه هنـآ .. وتطلعه لي , ,,
ثم قآلت إذآ شآفوتس مصريـآت ترى يبي ينشبون لتس ..
- طيب



/
صلينـآ القيآم .. وبعد ثآلث تسليمه جلست شوي ..
إلا ويكبر .. واثره الشيخ مآهر .. اول ماسمعت صوته
ع طوول فتحت المسجل وخليته يسجل .. وقمت أصلي ,,
ماشاء الله صووته شيء .. يعجبني ,
http://www.4shared.com/file/65449751/d98bdd5f/__online.html


بعدهـآ ع السآعه 3:15
رجعنـآ للفندق .. واول مآدخلنـآ صورت لكم الريسبشن والصآله ..
ثم صورت الاصنصير بس انعكست صورتي عليه وهونت
< ابرك

اما دكتورنـآ .. مآغير يتحمد ربه ويستغفر ..
<< بعذره والله





/

وصلنـآ للمكآن المقصود ودخلنـآ الشقه , وتسحرنـآ

< فنتكه

/

أذن الفجر .. صلينـآ .. ونمنـآ ,,

,’
وألحين ..
~[B.R.B]~
إلى أن يشـآء الرب

/

وآكرر ../
** أرجوو عدم الرد إلى أن يكتمل الموضوع **