دليلـ/ـه والآ دلولـ/ـه ..؟

مدحـ(نحو القمّه)ـدره!! · 06-10-2008, 03:54 PM

السلآم عليكم ورحمة الله وبركآته ..

أمس في الشرقيه وبالتحديد في الدمآم وبالتحديد في بيت خوآلي وبالتحديد في الخيمه اللي في الحوش وبالتحديد في أحد زوآيآهآ

..

قبل مآ أبدأ هذرتي المطوّله أتمنى لو كآن فيه كفشه محد يودّيهآ لكفشآت هذآ جزآي بهذر معكم واوسّع صدوركم تكفشوني ..؟

>> تخآف من الكفشآت

..

كآنت السآعه تقريبا 8 المغرب.. كنت جآلسه ع النت واسوي ايميل في اليآهو من الفضآوهـ >> بس كذآ لقآفه وبثآره ودي اشوف وشلون شكله >> مآعمرهآ شافته ..

وبينمآ أنآ أسجّل دخولي في ايميلي الجديد اللي توي مسويته دخلت علي [ ورديّة الأنفاس ] >> يمكن مآ تعرفونهآ ألآ أكيدين لأن هذي بنت خآلتي [ نويّر ] سجّلت بالمنتدى بتلعب علي وتسويلي فيهآ مثقفه وأديبه وخوآطر وفصحى ..

بس مآآش مآ تعرف تنصصب كفشتهآ ع طوول ومن قهرهآ أول مشآركه لهآ حطتهآ بـ كفشآت !!

مآ علينآ نرجع لمحور الحديث ..

دخلت علي وأنآ جالسه ع النت وطبعاً أنآ واياها نفس الحآله [ إدمآن نت ] وهي تفهم شعوري وافهم شعورهآ --> صديقآت من أول مآ انولدنآ .. وكنآ طول بعض في كل مرحله مرينآ فيهآ والى الآن واحنآ طول بعض .. وهي أكبر مني بـ 4 أو 5 شهور بس أكبر مني بـ سنه بالدرآسه !!

المهم .. دخلت علي واول مآ شفتهآ قمزت وخميتهآ ( ضميتهآ ) ..

قلت لهآ ..:/ وش اخبآرتس ..؟

قآلت :/ الحمدلله وانتي ..؟

قلت :/ بخير من شفت هالخشه

المهم .. تبطحت جنبي وفتحت الـ لآب بتآعهآ >> رفيقهآ الدآئم مستحيل تخليه بالبيت بلحآله يحس بالوحده

قالت لي :/ بتروحين بيت عمهم محمد (عم أمي وأمهآ) ..؟

قلت :/ هه قلتيهآ بنفسك .. [ عمهم ] مو عمنآ !!

ليش أروح ..؟

قالت وهي تركب الشآحن :/ خخخخخخ صآدزه ..

..

جلسنآ شوي نسولف واوريهآ بعض أشيآءآت المنتدى والرسآيل الخآصه وبعض المحآدثآت بالمآسن --> مآ اخبي عنهآ شي كل صغيره وكبيره فيني تدري عنهآ وهـ بس يآلبآ قلبهآ

وبينمآ أحنآ نسولف .. دخلت علينآ أختي الكبيره مآغيرهآ غ.د

قآلت :/ وش تسوون ..؟

قلنآ :/ بس جآلسين نسولف ونتصفح هالنتوت --> ع قولة نوير > يقآلهآ نتوت جمع نت

قآلت :/ آهآ .. طيب أنآ بروح المستوصف " مزكمه يآ بعدي هي " تجون معي ..؟

قلت بسسرعه :/ وتعشينآ وتمشينآ ..؟

قآلت :/ ايه ايه اللي تبون بس تعآلوآ معي !

قلت وانا اطالع نوره :/ نروح ..؟

قالت :/ قدّآم ..

قلت :/ يلآآآ .. وسكرنا لآبتوبآتنآ ورقيت فوق البس وآخذ عبآتي ولقيت أختي اللي بعد الكبيره تنتظر --> بتروح معنآ بعد هي ...

ونزلنآ تحت وركبنآ السيّآرهـ وانطلقنآ في حفظ المولى .. جلست اسولف أنآ وايا نوير ونضححك ومس خققآن تطآلعنآ بنص عين مآلهآ خلقنآ --> طبعا ،، بتروح بيت عمهآ واحنا بنروح نتمشى

ووو جالسين يسولفون خآلآتي وجدتي مع بعض .. وأنآ كل شوي التفت ع نورهـ واختي الكبيرهـ .. أقول :/ الحين ..؟

قالوآ :/ لآ موب الحين امي شكلهآ معصبه !

قلت :/ طيب ..

يوم خلآص شوي وبنوصل لـ بيت عمهم انقهرت منهم لأن امي بتنزل الحين وانآ مآ بعد قلتلهآ ..!

[ طبعاً أمهآتنآ مآ قلنآ لهم اننآ بنتمشى ع بآلهم اننآ بنروح نودي الكبيرهـ للمستوصف ]

وقبل مآ تنزل أمي قلت :/ يمه ابي فلوس عشآن بنروح نتمشى وكلش !!

قآلت ..:/ مآ معي الا عشره !!

أنآ :/ يمممممممآآآه دووري زيين بتلقين صدقيني !!

قآلت :/ ليه وين بتروحون ..؟

قلت :/ مدري مشتهيه اشوف مكتبة جرير ويمكن نتعشى بعدهآ ..

خوآتي ونوير --> مبسوطآت علي لأني مآ أطلب كثيرر فـ أمي لمآ أطلب منهآ تعطيني لأني نآدراً مآ أطلب عكس الخوآت المملوحآت ..

والمشكله اني انا اللي اطلب منهم فلوس فـ تخلص و تصير بوجيههم يآعميري

المهم بالأخير يوم دوّرت امي لقت مآمعهآ ألآ 100 وضآآق صدري كان ودي بـ أكثر بس الشكوى لله ..

بعدهآ رحنآ مستشفى التخصصي اللي بالدمآم و أحنآ بالطرييييق .........///

نورهـ وهي تنآظر المستشفى من الشبآك ..:/ هذآ المستشفى اللي مآتت فيه أمي نورهـ الله يرحمهآ --> أم أبوهآ " مآتت بدآية العطله هذي "

قلت :/ صرتي تكرهين المستشفى ..؟

قآلت بقوه :/ ليه ..؟

قلت :/ عشآن جدتك مآتت فيه ..؟

قآلت :/ لآ حرآم وش دخلهم هذآ الشي مكتوب لهآ !

قلت :/ أحس لو اني مكآنك بكرهه مرره ولآ ابي أعآلج فيه أبد !

الكبيره تدخلت :/ لآآآآء وش هالتشآؤم !!
نورهـ صآدقه !!

المهم دخلنآ وانآ ونورهـ وقفنآ ع جنب وقمت أقول لهآ سآلفة الدكتور المصري .. بدآية الحوآر :/
نوير تخيلي هالمستشفى أنآ قد جيته مرره يوم انكتمت مرره وتعبت ع أهلي --> الربو وبلآآويه !
جآبوني مس خققآن و أمي هنآ وكآنت هي نفسي مكتومه بعد ..
واللي عآلجنآ دكتور مصري .. جآء وكآن يبي يكشف علي قآل لي :/ شيلي الغطآآ !!

أنآ --> :/ لييه ..؟ > أحس اني تنححه ..

قالت أمي :/ حلوه ليه .. ليه بعد بيكشف عليك يشوف وش العلآج اللي ينآسبك !!

قلت :/ اييه طيب
--> وفتحت نص النقآب طلّعت فمي بس .. وقآم الطبيب يتأفف .. وأنآ أطآلعه بنص عين مآ بقى الآ انت يآ ابو مصره بعد !!

وبعدهآ شفت الـ غرفة فضت وجتني فكره

:/ مس خققآن بنسدح ع السرير وصوريني بنصب ع صديقتي بقولهآ اني طحت ع اهلي وتنومت في المستشفى ..

مس خققآن :/ أيآآ السعلووه يلآآ يلآ انسدحي بصورتس ..

وانسدحت وغمضت عيوني وصورتني ..

المهم جآآء الدكتور بعدهآ وقآل :/ لآزم إبرة كرتزون ..

أنآ :/ لآآآآآآآآآآآآآآآآآآء أبررررررررره لأآآآء لآآْ مآبي مآبي --> نزلت دموعي وبرطمت

قالت النيرس :/ انتي بيبي ..؟
انتي كبيره .. ليش فيه ابكي ..؟

طآلعتهآ وانآ شوي وأخنقهآ :/ ............... من جد حسيتني بيبي .. بس والله أخآف من الأبر وش اسوي ..

بعدين امي اقنعتني .. وأنآ ذكرت شي ومآ صدقت ع الله اتذكره ويصير عندي سبب مقنع .. قلت :/ يممه ابرة الكرتوزون تسمن صآآآآآآآآح ..؟

قالت :/ لآ لآ ماتسمن من قالك ..؟ .. اقول بس بلآ دلع يلآ خليهآ الحرمه تشوف شغلهآ ..

جآآ الطبيب .. قال :/ ايه ..؟ عمّآله بتصرخي ليه ..؟

قآلت امي :/ تقول ان ابرة الكرتوزون تسمن وكذا وهي ما تبي تسمن !

قام يضحك وقال :/ خليهآ تتخن بأأه مآ هيّآ رُفيّعه أوي ..

أنآ ---> وجع وجع وجع .. التفت ع مس خققان وقلت :/ وجع وش درّآه هذآ وانا تعبانه وأحس بـ برد ولآبسه جكيتين فوق بعض وعباايه وهالعبايه خصوصا تسمّني !!

قالت وهي ميته ضححك ع شكلي :/ يا غبيه اصلآ مرره باين نسيتي انه كشف عليك يعني شاف ذقنك !

قلت :/ الله يااخذه ان عاد عالجت عند مصآريآ مره2 ما اكون انا بنت ابوي

يموونوون الله يآخذ بليسهم يحسبوننآ مآنستحي مثلهم ..

ونورهـ --> تسمعني وتضححك ،،

.............................

صحّتنآ من هالسوآلف [ الكبيره ] تقول عيّوآ يدخلونهآ لآزم بطآقة العآيله ..
والسستر الحلوه مآ جآبتهآ

شآآطرهـ بعد عمري هي // رآيحه مستشفى حكومي ولآ جابت معهآ شي

أهنيهآ ع حرصهآ الزآيد ..

بس اني ذكرت شي --> انا يوم جيت هنآ ما كان معاي بطاقة عايلة وقلتلهآ وقالت للأستقبال وقآلوآ ..:/ ايه هذاك نظآم قديم الحين مآنقدر ندخل اي مريض الا ببطآقة العآيله !!

مآ علينآ .. طلعنآ من المستوصف والكبيرهـ قآلت :/ عآدي أصلآ موب ذآك المرض اللي مطيحني الحمدلله بس زكآم وكحه خفيفه ان شآءالله بكرى بروح !

ركبنآ السيآره واتجهنآ لـ جرير .. أول شي اتجهت له اللآبتوبآت .. وشفت لآبتوبي مرتز معهم .. ورحت له --> الناس يشوفون الأشيآء اللي مآقد شآفوهآ وأنآ أروح لـ لآبي >> أبو التنآآآحـه

وبعدهآ رقينآ فوق واشوف لوحآت مكتوب عليهآ [ العودهـ الى المتآعس ] وتحووم تسبدي انآ ونوير ..

ونقول للبنآت مآلقينآ شي يلآ نطلع بسسرعه

وطلعنآ .. وركبنآ السيّآرهـ ووقآلت الكبيررهـ وش رآيكم نآخذ من كنتآكي ونتعشى عند الكورنيش ..؟

قلت :/ لآآآآآآآ مالي خلق >>> فيني النووم .. وتعصصصب مني نوير >> تقولي دآيم يآ دبّة النوم

لأني بهالعطله صآيره أنآم بزيآده .. وقآلت :/ لآتعطونهآ وجه .. خلونآ نطلب ونروح الكورنيش عشآن تصحصح شوي وتعدّل نومهآ ،، بس ترآني مآ أحب كنتآكي خلونآ نطلب من مآكدونآلدز ..

المهم .. قآلوآ :/خلآص .. ووو وأحنآ لآفّين من عند لفّة مآك جت سيآره مسسسسسسسسسسرعه ......... محد فينآ انتبه لهآ ألآ الكبيرهـ ومآ حسينآ فيهآ الآ وهي تصررخ :/ يآويلي ويلآه يآويلي ويلآه ~> وشآآآآآآآآآدهـ ع رجل نوره مسكينه لأنهآ بجنبهآ ..

..

عدّت السيّآره ولفينآ .. وأنآ ميييييييييييييييييييييييته ضحك ..

:/ هههههههههه مآآآآآآنتي بـ صآآآآآآحيه أجل يآويلي ويلآه ..؟

وش عندهآ الطعسسسسسيه ..؟

قاموآ يضحكون كلهم ..

قلت :/ الحين بدآل مآتقولين > بسم الله والآ لآاله الا الله والا لآحول ولآقوة الا بالله ..> تقولين يآويلي ويلآه ..؟

الحمدلله والشكر !!

قالت :/ بلآتس مآشفتي السيّآره شلون مسسرعه .. لوّك شآيفتهآ كان معد تدرين وش تقولين !!

قلت :/ حتى ولو ... آخر مآينطق به لسآني كلمة [ يآويلي ] ..> لأنهآ دعوه بالويل !

..

المهم .. نزلنآ من السيآرهـ > بنطلب وكنآ قآعدين نضحك ع هالسآلفه وكذآ ونسولف ومروآ بجنبآ عيآل يستعرضون مهآرآتهم الفنيه ويتزلجون بالسكيتينج ..

واحنا قمنا نضحك عليهم لأنهم بزراااان ..

ودخلنآ وجلسنآ نطلب .. الاواشوف في نقآب نويّر خيط زيتي !!

قلت :/ نوير وش ذآآ ..؟

قآمت تضحك :/ هذا امي مخيطة لي اياه يقآلهآ بتسويه برقع وكل مآ لبسته ما يجي بالوسط يصير بوسط عيني فـ قطعته والى الحين بقاياه موجوده !

وشآفوه خوآتي وجلسوآ يضحكون عليهآ ويعلقون :/ يآي بنت خآلتي شعرهآ زيتي ..

وبعدين رآحت الكبيره تطلب وأنآ ونوره جلسنآ نسولف ع جنب .. وبينمآ احنا نسولف جت الكبيرهـ وسألت ../ وش تبون مشروب .. ؟

قلت :/ ديّو --> بعدين ذكرت انا ماك ما عندهم ديو .. فـ قلت بسرعه قبل مآ تعطيني محآضره .. بيبسي بيبسي بيبسي بيبسي
----------> أنآ أخبر التوكيد كلمتين ورآ بعض نفس الشي .. لكن أنآ أكدّت التوكيد

قامت نوير تضحك علي وقالت للكبيره وش تبي وتذكرت سآلفتهآ هي وبنآت عمّآتها فقالتهآ لي :/ تخيلي مره انا وبنآت عمآتي كنا بنطلب من ماك وكنا 4 وكلنا بالبدايه طلبنآ المشروب يكون [ سبرآيت ] بعدين انا وثنتين من بنات عمتي غيرنا راينا وقلنا لأ نبي [ بيبسي ] .. وكل شوي وحده منهم تضيف نفسهآ من قآئمة اللي يبون بيبسي يعني مثلآ كذا :/

بنات خلآص انا ابي بيبسي >> وتلتفت ع اللي يآخذ الطلبآت ..:/ لو سمحت كلهم سبرآيت بس وآحد بيبسي ..

وبعدين الثآنيه قالت :/ وانا بعد ابي .. لوسمحت خلهم ثنين بيبسي..

بعدين نوير قالت :/ وانا بعد ابي .. ---------> هنا تلخبط الرجال .. كأنه يقول كم تبون ..؟

قآلت نوير :/ لو سمحت كلهم سبرآيت الا ثلآثه خلهم بيبسي

وشششششش كلهم الله يهديتس ما بوه الا وحده تبي سبرايت

..

مآعلينآ طلبنآ وخلصنآ ووو أحنآ طآلعين شآفت نوير الآيسكريم هذآك اللي بـ [ الكتكآت ] .. يووووووووووه مآ قلت لكم .. بنت خآلتي هذي تنجن ع شي اسمه كتكآآآآآآآآآت تنهببببببل اذا شآفته !!

المهم .. يوم شآآفته وو تخخق تقول :/ آيس كريم بـ الكتكآآآآآآآت ..؟

قلت :/ ايه وش فيتس ..؟

قالت :/ وآآآآآآآآآو

قلت :/ توتس تشوفينه ..؟

قديييييييم هذآ ..؟

قآلت :/ ايه توي !

قلت :/ طيب تعالي........ وجرريتهآ مع يدّهآ و كآنوآ مآك حآطين صورة أرقآم التلفون وأقربهآ بسسرعه عند الجدآر وأأشر لهآ ع رقم [ 9 ]

قالت :/ خييييير ..؟

قلت :/ ابيك تشوفين هالرقم عشآن تحسين انه يذكرك بذكريآت سعيدهـ بمآ أنتس توتس تكتشفين أن بوه آيس كريم كتكآت !!

قآلت :/
الحمدلله والشكر ..

وطلعنآ ..

رحنآ للكورنيش مشي بمآ أن مآك هذآ لآصق فيه مررررره ..

وجلسنآ ندوّر لنآ مكآن لقينآ مكآن قريب ومظلم شوي يمدينآ نفتش ونآكل فيه بس ع قولة الكبيرهـ ورآنآ شبآب ويمكن يظنون اننآ جلسنآ هنآ عشآنهم فـ غيّرنآ المسآر ..

ورحنآ مكآن ثآني قعدنآ نآكل وأنآ اقول غطوآ علي لآحد يشوفني ..

الكبيرهـ ونوير --> ميتآت ضححك ع شكلي مرره حوسه وخايفه احد يشوف وجهي .. قالت الكبيره :/ يابنت الحلآل محد يمّك افتشي وكلي زي الناس والعالم ..
نوير :/ انتي اللي بتجلبين الأنظار بحوستك !
قلت :/ أجل اذا احد شآفني ع ذمتكم !!
تروعت الكبيرهـ :/ ماافيه احد أصلآ ..

قلت :/ مرره ..

وجلسنآ نسولف .. ألآ واشوف بزر قولبووسي يركض يركض مرره سعنوني وأجلس أمدّح فيه ويضحكون علي خوآتي ومرّت من عندنآ وحده لآقيه ولد وحده ثآنيه ضآيع ..تقول :/ لقيتووه --> من القصيم وهـ بس ..

قالت نوير :/ لقييتووه الله يجزآكم خيرر ---> خااشه عررض

الحرمه قامت تنآظرنآ مستغربه ..

ملآحـظه

في هاليوم كآنت فيوزآتنآ ضآربه من جد ،، فلآ أحد يشره علينآ ..!

قمنآ نضضححك وكذآ ..

خلصنآ وجبآت .. ومرّ من عندنآ أبو هنود يبيع عطوور ..

قآل :/ يبغى عطوور فيه [ كوكو شآنيل جدود ]

>> يآ عمييييييييييري يبي يقول :/ جديد !!

وجلسسنآ نضضضحكك عليه .. عآد أحنآ نبيهآ من الله أصلآ !!

مسسكين تفششل ورآح يا عمري هو .. والله اني حااقده ع نفسي عشاني فشلته !!

المهم .. فجأأه الكبيرهـ قالت :/ بروح اشكي للبحر واسولف معه ..

~> مسويتلي فيهآ رومنسيه

قلنآ :/ رووحي ..

ورآحت وهي تغني :/ آبسكت يآبحر وأمشي وأخلي ضييقتي فيني
ابسكت وابتعد عنك وادور من يوآسيني ..

..

جلسنآ نسولف ونسولف وبعدين رجعت الكبيرهـ .. قآلت :/ بنآت .. مو لوّهم حآطين البحر في الريآض أصرف ..؟

>>>>> الهبلآ بدآآ يشتغل خبآلهآ

البنات ضحكوآ .. وأنآ ع بآلي أدب .. جيت أكحلهآ عميتهآ :/ خير مآ يجوز يمكن ربي حطه في الدمآم عشآن يهوّن علينآ الجيه عند خوآلي ..!!!

------------> وش دخّل هذآ في هذآ يا الشآطرررهـ !!!

المهم .. جآء وآحد ثآني حق عطورآت ..

قلت له :/ عندك كوكو شآنيل ~> وأنآ ماااااااااااااااسكه ضححكتي !!

قال :/ ايووا ..

قلت :/ جدود والآ قدوم ..؟ ---------> واضححك ضحك موب صآآحي

قال :/ قدوم

متنآ ضححك ..

وصرّفنآهـ !

وشفنآ وآحد من بعيد .. قالت الكبيره :/ الحين اذا جآء هذآ خلونآ نسوي نفسنآ صقهآن !!

قلنآ :/ طيب ..

وجآء .. وجلسنآ نكلم بعض بالإشااره .. وهو يكلمنآ واحنا نسوي نفسنا ما شفنآه .. وفجأأأأأأه مآ قدرت استحممل وجلسست اضحححححك واضححك

~>> الرجاال [ ]

يحسبنآ مجاانين

انهبل وراح ..

بعدين قمنا نتمشى .. وشفنآ وآحد يمشي مع زوجته وعيآله بـ ثوب نوم !

قلت :/ مسكيينه زوجته ماا أحب الأزوآج اللي كذا يطلعون بـ ثوب نوم !!

قالت الكبيرهـ تكلم البنات :/ عااد يجينآ بكرى زوج لويلوو مآ يطلع الآ بـ [ ثوب نووم ]

قلت :/ لآآآآآآآآآآآآآآآآآآآآآآآء

حرآم علييك !!

وقآموآ يضحكون علي !!

المهم .. مشينآ شوي بعدين طفشنآ وجلسنآ ع كرآسي ومعطين الشآرع ظهرنآ والبحر قدآمنآ والشآرع اقررب ..

فـ مرّت من جنبنآ سيّآة شبآب مشغلين [ قووم ودرّجني ] .. الكبيره هزّتني :/ لولي لولي .. قوم ودرجني ..
فززّيت والتفت ورآآي قلت بصوت ما يسمعه الآ اللي معي :/ يآآآآآآآآآآآآآآآي من هذآ الذووق اللي مشغلهآ ؟؟

ألآ والشباب سمعوني !!

كرههت نفسسسسسسي .. الحين بينشبون عاد !!

لفوآ لفتين ورجعوآ وحآمت كبدي شوي وبعدين رآحوآ ..

ارتحت نفسياً

جلسنآ نسولف شوي وبعدين قمنآ .. الا ونشوف وحده نقابهآ مرررره وسيييع ..

قالت الكبيرهـ :/ ترآ هذا النقآب طايحين فيه استغفرر الله مرره شيين !!

قالت نوير ../ ايه استغفر الله مرره شين .. بنات وش رايكم اذا مرت وحده نسوي نفسنا معجبات في نقآبها ونقول لهآ من وين وكذآ .. >> أول مآ قالوآ هالكلآم قلت :/ انا بروح عند البحر ..

ورحت .. مآ ابي اتفشل مآ احب الحركآت هذي

ورجعت الا ووواختي الكبيرهـ واللي اصغر منهآ بسنتين بيروحون يشترون كوفي .. فـ جلست انا ونوير ع الكرآسي ..

ألآ ومروآ من عندنآ 2 شبآب ،، قآل وآحد :/ أهم شي تكونون مستآنسين ..؟!

قلت بصوت وآطي :/ الحمدلله والشكر ..!

سمعني الثاني وانقهر فـ قال :/ هذي أم محمود ..

قآم خويه يضححك .. > لآ لآ يآ الهي يا الهي .. مرره الشي يضححححححححك !!

ثقآلة دم وبزآآرهـ ..

المهم رآآحوآ ..

وجآنآ وآحد يبيع عطورآت غير ذوليك ..

وقررنآ نسوي نفسنآ طرمآن مره2 وصقهآن

قال :/ كوكو شآنيل // لميسس ..

نوير يوم سمعته يقول لميس تحمست .. قالت :/ فيه عطر لميس ..؟

قال :/ ايوا .............وطلعه ..

وو مآكآنت ريحته وآضحه وقال لنآ --> بخّوه ..

قمت أنآ رشّيته ع شنطتي وحآآآآآآآآآآآآآآآآآآآآآآمت كبدي !!

ريحته مرره شينه .. وعاد تذكرت انَّ وحده تقول ..عطر لميس رجآلي ومهند نسآئي !!

فـ سئلته ..:/ نسآئي ..؟

حسّ اني مجنونه قال وهو يأشّر ع صورة لميس في العلبه ..:/ ايواا نساائي مافي شووف صوره ..؟

قالت :/ لآ مافي شوف ..

قالت نوير :/ بكم ..؟

قال :/ بـ 100 !

قلنآ نسستهبل / أوووووووووووووف غاالي !!!
قال :/ بكم يبغى ..؟

قلت :/ ريالين !

----------------------------> هنآ نورهـ مااااااااااااتت ضحك وقبصتني [[ يعني حرآم عليك ]]

طاالعني بحقد ورااح

جو خوآتي وركبنآ السيّآرهـ .. قلت للكبيرهـ واللي اصغر منهآ :/ شموآ شنطتي هذي ريحة عطر لميس ..

قالت الكبيره :/ وعععععععععععع

أمآ اللي أصغر منهآ فـ هي تمووت في سنوآت الضيآع واي شي فيهآ حتى لو خاايس يطلع في عيونهآ يجنن عشآن كذاا قآلت :/ وآآآآآآآآآو يهبببل ..

كــلــنآ :/ وععععععع ..

..

المهم .. ضيّعنآ .. ونويّر مآ تعرف بطرق الدمآم مع انهآ سااكنه فيهآ !

والكبيرهـ كل شوي تسألهآ ..:/ قد شفتي هذآ المكآن ..؟

وهي تقول :/ مآآ أدري

----------->> يا الآآآآآهي ياااهي مفهيه هالإنساانه !!
..

عآد انا قلت ..:/ ما لقيتي تسألين الآ نوير مآهيب تدل !!

[ وبدآل كلمة تدل .. قلت كلمه .. يآ دلوله يا دليله ..]

فـ قااالت نورهـ :/ لأآآ خطأ عليك .. الصح .. [ وقالت كلمه يآ دلوله يآ دليله .. ]

فـ اختلفنآ انا واياهآ ..

قلت :/ بـ انزّل استفتآء بالمنتدى بـ اقول وش الصح دلوله والا دليله ..؟

قآلت :/ أووكي بس لآ تعلمين مين اللي كذا ومين اللي قال كذا .. لأنهم طبعاً بيختآرونك انتي ..

قلت :/ أووكي ..

[ مآ كآن نآقصنآ الآ كوكيز اللي في سآبع نومه بهالطلعه الحلوهـ ] !!

وانتهى اليوم بـ مناقشآت سخيفه بدايتها فيني النوم ونهايتها بـ طلعة نورهـ !!

..

رآيكم بيومي اللي يحوّم التسبد يهمّني

لكن رأيكم في الكلمه الأصح يهمني أكثر !!

/
\
دح دح

نآعسهـ ـالطرف · 06-10-2008, 04:15 PM

دح دح

وهـ ونآآآآسه

الحين طالعه من المحكمه جايه تسألين عن دلوله ودليله

عاد امي الله يسلمتس تقول ان كلمة " دلوله " اصّح ..

بس مدري انا احس ان دليله انعم تصير لـ بنت <-- وش تبي ذي

بس اتوقع اتوقع كلمة دليل .. دلول مدري ما احس انها صح

اخر شي دليلـ/ـه

..

وسووووم · 06-10-2008, 07:08 PM

ههههههههههههههههههههه

ونااااااصهـ

آآآوم أم محمود شئ>>راح تتكفخ ههههههههههههههههههههه

والله وناصهـ

عل العموم الصح دليلهـ >>على ما اظن

والموضوع حلوووو

تقبلي مروري

اختك :

وسووووم..

CôôkièS · 06-10-2008, 09:26 PM

وي وي :$ ،،

توني أدري وين رحتوآ <~ رآفضـه تسمعهـآ من دح دح قلت زيي زي أي عضو فيذآآ ..

والله فللللللله ..

وأحـلى شي مكـآنكم اللي تعشّيتوآ فيـه

وبعدين ليـه مآ نزلتي الصوره اللي ارسلتلك ملتيميديآ اليوم ..؟؟

لآزم تنزّلينهـآ

تقول ( مع عـآلم زين الجميـل ، أنت الأزيــن ) !

يعطيتس العـآفيه أنتي ونويّر أم الهذرهـ

وبعـدين أنـآ وخـآلي حآمودي ومس خققـآن نقـول دليلـه ..

وخـآلتي هنّو تقول دلول ~

* نشوف نهـآية الاستفتـآء ..

كوكيز

مشاهدة نتائج الإستطلاع: دليلـ/ـه والآ دلولـ/ـه ..؟
دليله	18	62.07%
دلوله	11	37.93%
المصوتون: 29. أنت لم تصوت في هذا الإستطلاع

دليلـ/ـه والآ دلولـ/ـه ..؟

ملتقى أعضاء المنتدى