[ .. آاُآسْدًحّـً يـً / ـُوُمْكَـ .. ][ ..~ فْيَِـ / ـَذْآ .. (=

بسم الله الرحمن الرحيم ..
ماهان علي امر على الموضوع ولا احط لكم يومي الممتع جدن جدن ..

أجواء رائعة ..
منآظر برآآقة << اخو صرقوعه وش اخبارك ؟؟
شمس حآآرقة ..
جو جديد ..
ونآآس غير ..


ِِِِِ


الساعة 5:30
رن منبهي ..
ودخل ابوي يقول همس .. ترى منبهك يرن له وقت ..
وش عندك حاطته على 5:30 ..؟
استحيت وقمت طفيته ..
قلت ايه سامعته بس خليته يرن ..

مسكت جوالي وكلمت ناعسة واكتشفت انها مخططة لجحدة لانها بتروح مع بنت جيرانهم ..

اتفقنا نروح على 7:30
صكرت عيوني ودخلت في سبآآآآآت من جديد.
قمت الساعه 6:30

لبست وكشخت وقدآآآم على مكاني الجميل ..
أول مادخلت لقيت ناعسة قاعدة على الدرج اللي قدامي ومفهية كالعادة ..

اناظرها وتناظرني
قلت وجع تعالي سلمي ..
المهم وتجيك فاحطة ونسلم وكلبو شي ..
قالت امشي اوريتس الكلية ..

قلت ووخص
حسيت ان عندها سالفة وماقويت افشلها ..

ورحت معها
على شوي شوي بدوا يكثرون البنات ..
ومليت وانا اسلم عليهم
قررنا نجلس على الكرسي ..

وكل شوي اناظر الساعه ابيها تجي 9 عشان اروح اقابل واطلع ..

وأنتظر وانتظر وانتظر لحد الساعه 12:30 تعبت وقررت أطلع وأجي بكرا بس صبرت .. ماطاوعني قلبي يعطلون بكرا وأنا أداوم ..!!

على الساعه 1 الا شوي دخلت ماطولت كثير وطلعت لبيتنا ...
مقابلتي الجميلة للي يبيها ..
ويبي يآخذ فكرة عن تعامل الجنسيات الثانية ..
كانت كالتالي ...

الدكتورة وراسها تحت وقاعده تكتب::/ ازيك ..؟؟
همس (( وش دعوى شوفيني يمكني ولد .. )) ::/ احم .. الحمدلله بخير ..
::/ اسمك ..
همس (( وش ذي وراها جماد .. طيب ناظري واعطيتس ريال .. )) ::/ همس

::/ الحالة الاجتماعية ..؟!
هنا تنحت شوي ..
وش أقول وش أقول

همس فكري وش يقولون تكفين مالنا داعي فهاوة من اولها ..
ايه .. صح ..
همس ::/ عزباء ..

::/ يعني آنسة .. ؟؟ ((وهي تضحك ))

همس ::// ايه (( ش دعوى ؟! خلينا نتفق من البدآية محد يدف الثاني ولا يفشله ))
::/ نسبتك كانت كم ..؟؟؟
همس ::/ ^ـ^
::/ واللي بعد الفاصلة كآآآآآآم . ؟؟.
همس (( وانا أرتجف بعنف .. )) ::/ امممممم اتوقع كانت 72 او 73
مدري في السبعينات ..
::/ تتوقعي ..؟ ليه هو فيه حد مابيعرفش نسبتوا ؟؟
همس ::/ هآآه
خلاص 73
::/ متاكدة ؟؟
همس ::/ لا مدري ..
::/ آآآ يادكتورة شوفي لي نسبة همس الــ
وبعد ماعطتها النسبة رجعت لي ..
::/ طيب ياهمس ايه البرامج اللي بتخشيها في الكمبيوتر ؟؟

وقعدت همس تفكر وقررت تحط كل البرامج اللي تعرفها
تتقنها أولا ..
وعصرت مخي لين طلع معي مية الف برنامج
ولاحظوا كلها اتقنهاو اشتغل عليها بسم الله علي
يعني كانكم فاتحين قائمة ابدأ ..


::/ آآآ ماشاءالله كل ده بتعرفي لو ..
همس ::/ (( فرصتتس للقدرنة لاتفوتينها .. ))
ايه دكتورة ..

::/ طيب ممكن تقولي لي الاكسل بنشتغل فيه ازاي
همس ::/ (( يؤ دكتورة اتفاقنا الثاني بلا حركات توهيق ))
علمنااها كيف نشتغل عليه وقضينا
::/ في الإجازة دي أخذتي دورات..؟؟
همس وبكل بجخ وتسذب تقدر عليه
همس ::/ ايه دورتين وحدة انجليزي والثانية حاسب ..
::/ ماشاءالله ماشاءالله .. فين ؟؟
همس اعصري مختس وبلا سباهه تذكري اسماء مراكز
همس ::/ في مركز ..... في الرياض ..

<< وبكل ثقة ..

::/ كويس كويس ..
ماقدرت الا أبتسم كني بديت اعجبها ..
::/ انتي عارفة طبعا .. دراستك كووولها حتكون انجليش مافيش حاجة اسمها عربي ..
همس :: / ايه (( اهم شي انتي مستانسة دكتورة ؟؟ )) << كني بها بتطردني ..
::/ أخبارك في الأنجليش ..
همس :: / امممممم ماشي الحال ..
::/ بتعرفي الأنظمة هنا ..؟
همس ::/ ايه
::/ دلوئتي مافيش حاجة بس قدام مش عاوزين يكون فيه .. اوكي ؟؟
(( قعدت اناظر بلوزتي والله مافيها شي مخالف))
::/ فيكي ايه؟؟ بقصد قدام يعني الأيام الجاية ؟؟
بايناكي مش مركزة خالص معانا .. فيكي ايه ..؟

همس (( وبعد طيحة وجه ماتخفى علىى الجميع .. )) ::/ معآآك دكتورة ..
(( من 7:30 هنا ولا دخلت الا الظهر وش تتوقعين فيني يعني ..))

::/ آآآآ .. طيب مش عاوزة تروحي ..؟؟
همس ::/ خلصنا ؟؟
::/ ليه عوزة أسألك في حاجة ..؟
هزيت راسي وطلعت ..
ماأعجبني أسلوبها أبدن أبدن ..

بس يالله الأيام كفيلة اني اثبت وجودي عندهآآ ..

وياليييل العنآآ ..
وبس طلعت وعلى المرقد علطووول ..

ٍٍٍٍٍ
وبـس ..
ملوكة .. أبدعتي بالموضوع ..
يعطيك العافية ..