هذه الرسالة تفيد بأنك غير مشترك في منتدانا. للتسجيل الرجاء اضغط هنـا
هذه الرسالة تفيد بأنك غير مشترك في منتدانا. للتسجيل الرجاء اضغط هنـا
 |
|
|
|||||||
| استعادة كلمة المرور | طلب كود تفعيل العضوية | تفعيل العضوية | اضفنا للمفضلة | اجعلنا صفحة البداية | البومات صور الأعضاء | طلب اعلان | مركز التحميل | Tags |
 الإهداءات |
 |
|
|
LinkBack | أدوات الموضوع | إبحث في الموضوع | انواع عرض الموضوع |
10-10-2008, 12:45 PM
|
رقم المشاركة : 1 | ||
|
|||||||| FORZA Milan ||||||||
|
**احبببببببباط : بكره تبدأ الدراسه (خش هنا ووسع صدرك) **
يوم السبت القادم يبدأ العام الدراسي بالسعوديه ,, وأكيد جميع الطلاب نفسياتهم اليوم تعبانه وهذا شي طبيعي ,, ومن خلال هالموضوع نبي نفرفش ونضحك نشوي ,,
أكيد كل واحد فينا يتذكر اول يوم دراسي له بحياته  ,, كان الواحد صغنون وش حليله  ,, وطبعا اكيد الأغلبيه صارت لهم مواقف مضحكه ,, الي أتذكره ان ابوي من قبل الدراسه بأسبوع يقول ترى مابروح معك المدرسه  << مايبيني اعتمد عليه , المهم أنا اقول له ولايهمك مافيه داعي تجي معي ,, ونجي بأول يوم وأتفاجا ان ابوي يقول بروح معك  ,, المهم وأدخل المدرسه ,, بيني وبينكم الوضع بدأ يتغير  ,, مجمعين المستجدين بالساحه الداخله وكل واحد ابوه معه ,, طبعا خويكم بدأ الخوف يدخل قلبه وخاصه ان ابوي عرفني على مدرس يدرس اخوي الي أكبر مني واسمه تحسين (فلسطيني ويدرس عربي) وقال لا أوصيك عليه  ,, ووسط السواليف وتبدأ المناحه طالب صغنون بدأ يبكي لان ابوه راح وخلاه  وفجأ تنقلب نص الساحه بكاء ويجي المدرسين ويوزعون الحلويات وتهدأ الأمور  تحسين المدرس الله يذكره بالخير بالأسبوع الثاني من الدراسه (تذكرون قصص هند , نحن ابطال المطافي ,, ألف يعني اب , ...... ) بماده القراءه والكتابه (الاسم القديم للماده) شرح درس ولما خلص قال مين اول واحد يحل السوال الفلاني ,, المهم حليت السوال بسرعه وأجيك طااااااااااااااااااير من اخر الفصل ,, وواعطي الاستاذ تحسين الكتاب , وبكل فخر اناظر في الطلاب (من قدي ) وفجأه شالني الاستاذ تحسين باذني وعلقني (والله مااكذب عليكم) ,, تخيلوا معلقني بأذني الثنتين ,, ويفكني واطيح على الأرض ,, ويقول لي :: مو هذا السوال الي طلبتكم تحلونه << وارجع لمكاني محبط واذكر بالصف الأول طلب منا الاستاذ تحسين واجب كتابه 4 حروف ,, بحيث نكتب كل حرف في صفحه كامله (على عدد السطور الي ممكن عددها 18) ,, وسبحان الله راح من بالي الواجب ,, ولما دخلت الفصل وكانت حصه العربي هي الأولى ,, طلب الاستاذ مننا الواجب , ومن سوء حظي انا الوحيد الي ماحله ,, كل الفصل سلموا الواجب ومابقى الا انا جالس على طاولتي وانواع البراءه ,, دعاني قال تعال ,, وين الواجب ؟؟ قالت : ماحليته وأقسم بالله نسيته ,, قال بكره تجيبه لي وتكتب كل حرف في 10 صفحات << اظطهاد  الله يذكر مدرسين زمان بالخير ,,, كرف صحيح بس من جد الواحد يتعلم وتمشي الأيام والواحد بدأ يكبر  وانتقل من المدرسه الي أنا فيها الى مدرسه جديده وأدرس فيها صف ثالث ابتدائي ,, وتجي أول حصه رياضه ,,كنت متحمممممممممممممممممممممممممممممممممممممس وننزل للملعب ونتفرق على فريقين ,, انا هجوم ,, المهم تبدأ المباراه ويطيح مهاجم الفريق الاخر مدافعنا عند مرمانا ,,,,, وفجأه يصيح مدافعنا بلنتي << تخيلوا من فاول له الى بلنتي ,,, مشى بالكوره من مرمانا الى ان وصل لمرمى الخصم علشان البلنتي ,, حاولت اتفاهم معهم ان هذا غلط , لكن مافيه فايده اللي يطيح بأي مكان بالملعب يعتبر بلنتي وتمشي الأيام والواحد بدأ يكبر ونوصل لصف خامس ابتدائي ,, خلاص من قدنا ؟؟ ماعاد فيه بالمدرسه أكبر منا الا صف سادس ,, المهم الي اذكره بهالسنه ,, كنا نلعب قبل الطابور مطارده وكل واحد يتوطأ ببطن واحد المهم فجأه ونسمع صرااااااااااخ !!!ونناظر ونلقى واحد من الشباب (سوداني بصف ثالث ) نشب راسه في حدايد الدرج (الدرج طبعا مقفل بحدايد كثير ,, بين كل حديده واخته مسافه) الولد نشب راسه بين حديدتين ,, أقسم بالله منظر خرررررررررررررافي ويتجمع المدرسين عليه من كل مكان !! الولد ناشب ويعلن المدير ان مافيه طابور وكل واحد على فصله ,, طبعا لازم نمر بالدرج والولد يصيييييييييييييح ,, تعرفون الصغار كل من مر فيه صكه كف او بوقس ,, المدرسين جابو منشار وبدأ يقصصون الحديد وبعد جهد طلع الولد وتمشي الأيام والواحد بدأ يكبر ونوصل للمرحله سادس ,, الي أذكره بماده الخط اللي لايعيدها من ماده  مدرس الخط دب وطويل الرجال عطانا واجب نكتب قطعه مرات كثير ,, المهم ان غلطت بكلمه (نكتب بالقلم السائل ) جلست ادور حل لهالخطأ والقى عند اخوي الكبير اوراق لاصقه تنحط على الكلمه ونكتب فوقها واستخدمها ,, طبعا كان الشائع بهذاك الوقت الموزيل ,, بس حبينا نجيب شي جديد واروح اليوم الثاني للمدرسه وانا خايف من حركتي هذي ,, والحمدلله المدرس غاب !! الاسبوع الي بعده برضو ماجا !! واستمر غيابه شهر كامل طبعا انا نسيت السالفه وكل يوم كتاب الخط بالشنطه ,, المهم حضر المدرس بعد هالغياب الطويل وطلب الواجب انا ناااااااااااااسي من قصه استخدامي الورق اللاصق ,, سلمته الواجب واللتفت على خويي الي جالس بالصف الاول وفجأه اللقى نفسي بأخر الصف << قلت لكم المدرس طويل ودب عطاني بوقس على بطني << كاني ذابح احد من اهله !!انا ببراءه لما بديت اصحيح ,, وش فيه يااستاد قال ليه تستخدم هالورق ,, مره ثانيه استخدم الموزيل وتمشي الأيام والواحد بدأ يكبر ونوصل لصف اول متوسط ,, كان فيه مدرسين يطبقون عندنا (اخر ترم لهم بالجامعه ) المهم كان تعرفون حركات الشياطين ,, مدرس العربي (من المطبقين) كان يشرح ويكتب على السبوره ومعطينا ظهره ,, وفجأه الا والقلم ضارب ظهره ويلتفت علينا !! والفصل كله ميت ضحك ويقول بحقد : " لو يعلم اباءكم ماذا فعلتم ليبطحونكم بالأرض بطحا" << يتكلم عربي فصيح وتمشي الأيام والواحد بدأ يكبر وانا بثاني متوسط سويت أكبر مصيبه في حياتي ,, انا طبعا ميت في شي اسمه كوره وحصه الرياضه شي مقدس عندي ,,تحديت واحد بالفصل اني اهزمه (هو يكون فريق وانا فريق) المهم جبنا الرياضه ومستعدين وننتظر المدرس يجي ويطلعنا الملعب ,, للأسف وصل المدرس وقال اليوم مافيه حصه ليه يااستاذ ؟؟ قال ماني رايق اليوم وبالتالي مااحد بيطلع انا قفلت معي وطلعت من طوري المدرس قال للطلاب انا بطلع من الفصل وماابي احد يطلع ,, الشباب تجمهور على الباب كلهم يطلبونه الا انا وواحد جنبي ,, انا من غير شعور رميت على خوي السجاده الي معي وقلت تكفى يافلان سوي لي دجاجه (يربط السجاده ويطلعها على شكل دجاجه) المهم انا مسوي نفسي نايم على طاولتي وانتظر الاخ يظبط الوضع ويسلمني السجاده وهو مظبطه على الأخر ,, المدرس كان معطيني ظهره والعالم متجمعه عليه !! وبدون شعور ارمي عليه السجاده وتصك ظهره واسوي نفسي نايم مثل الوضع الاول وقلبي خايييييييييييييييييييف ومو مصدق الي سويته المدرس الحمدلله مانشب وطلع وقفل الباب ورجعوا الطلاب من حذفه !! يسالون خويي !! قال مدري عنكم !! يبون يصحوني قال لهم خالد نايم خلوه << لو عرفوا بيروحون يعلمون المدرس ,, تعرفون حركات التدبيس من جد موقف ماانساه !! كنت طالع عن طوري لانه رفض يخرجنا الملعب ان شاء الله الموضوع وسع صدور الي ضايقه صدورهم ,, من جد الواحد لما يتذكر مواقف وهو بالمدرسه يضحك على عمره احيانا ويبكي احيانا ,, الموضوع للفرفشه ,, والي عنده مواقف لايبخل علينا
التعديل الأخير تم بواسطة عاشق كاكا ; 10-10-2008 الساعة 12:48 PM. سبب آخر: الخط |
||
|
    
|
|
10-10-2008, 01:00 PM
|
رقم المشاركة : 2 |
|
.. عضو موقوف من الإدارة ..
|
رد: **احبببببببباط : بكره تبدأ الدراسه (خش هنا ووسع صدرك) **
موضوع جميل حياتك بالمدرسة فيها عنا ومغامرة
|
|
|
|
10-10-2008, 01:15 PM
|
رقم المشاركة : 3 | ||
|
أنآ أح ــبك أنت لا تشكـ §
|
رد: **احبببببببباط : بكره تبدأ الدراسه (خش هنا ووسع صدرك) **
ههههههههههههههههوربي روعه يا عاشق كاكا موضوع جنان
بس اتذكر مره من المرات في المتوسطه كان يشرح فصارو الصف صوت وضحك وما اعرف شنوو فالمدرس غضب قال شو بيكم انا اشرح وانتو تضحكون وتسولفون فهو من غضبه قال (( ما سمعتو شنو يقولون )) قالو الطلاب (( لا استاذ انت قول )) قال استاذ الفيزياء (( كاد المعلم ان يكون رسولا)) قام واحد من الطلاب من اصدقائي الي في الصف ما اقدر اذكر اسمه قال (( اي ستاذ صحيح بس هو بالشعر قال المعلم ما قال المدرس )) وقتها الطلاب ماتو من الضحك وهو شال روحه وطقااها بالرض ونحنا نضحك مشكور يا عاشق كاكا
|
||
|
|
|
|
10-10-2008, 01:16 PM
|
رقم المشاركة : 4 | ||
|
.:: مشرفة منتدى عدسة الأعضاء ::.
|
رد: **احبببببببباط : بكره تبدأ الدراسه (خش هنا ووسع صدرك) **
ليش إحباط ؟
بالعكس شي حلو الدراسه <-  صراحتن احس المفروض نحبها بس مدري ليه ما حبيناها ؟ البلا فينا ؟ والا في المدرسه ؟ الدراسه رُقِي ... بس مشكلتنا ماعرفنا نحبها .. ! وإلا هي ماعرفت تحبنا عموماً .. كل عام وانتم بخير .. وكل عام وانتم ترتقون بالدراسه والعلم والتعليم .. بالدراسه توصل أعلى المراتب  ويحسب لك الناس ألف حساب  وبس خلصت <-- عسى ماتعبتي ..
|
||
|
|
|
|
10-10-2008, 02:20 PM
|
رقم المشاركة : 5 |
|
.. عضو متميز ..
|
