روايه ((منى)) منى عيني ||~

همس الجراح · 09-11-2008, 07:01 PM

روايه اناالفتها واتمنى انها تعجبكم

رواية (( منى )) ,, منى عيني||~
((الجزء الاول))

تعريف بالعايله :-
هم عايله مشتته مشاكلهم كثيره كلها عشان الورث
وهم ثلاث اخوان عبدالله و عبد العزيز وعبد الرحمن

بيت عبدالله:-

عنده ولد اسمه خالد وعمره 25سنه
وبنت اسمها اماني عمرها 20 سنه

بيت عبدالعزيز:-
عنده ولد اسمه سعد عمره 24 سنه
لكن مات قبل ثلاث اشهر ((راح يدرس بامريكا ومات ))
عنده بنت اسمها منى عمرها 16 سنه داخله على 17 سنه

بيت عبد الرحمن (( اصغر واحد)):-

عنده ولد واحد اسمه احمد عمره 22 سنه

عايله صغيره لكنها متشتته وكان يربطهم سعد يحببهم في بعض
لكن بعد ما مات تشتت العايله زياده

بـــيــت ابو سعد (( عبد العزيز))بالرياض ::-

صحيت منى اخذت لها شور سريع ونزلت تفطر مع امها
شافتها قاعده تنتظرها على طاول الطعام
حبتها على راسها وقعد جمبها
منى : صباح الخير
ام سعد : صباح النور هلا بنيتي

منى: وين ابوي يمه ما اشوفه
ام سعد : كالعاده من مات اخوك سعد الله يرحمه وهوكذا يطلع من الصبح ولا يرد الا بالليل
منى وبحزن : الله يرحمه ((كان سعد اخوها حياتها كان طيب ويحبها حيييل
ويوم مات جن جنونها بس لا البكى ولا شي يرجع الميت ))
منى : يمه انا مشتاقه له حيييل
ام سعد : وانا اكثر يا بنيتي لكن هذا مصير كل واحد ادعي لاخوك بالرحمه
والمغفره
منى : الله يرحمه ويغفر له
ـــــــــــــــــــــــــــــــــــــــــــ

في بــيــت ابو خالد (( عبدالله )) بالشرقيه :-
خالد:اماني امونه اماني حبيبتي يا بنت ردي
((خالد قاعد يصحي اماني من النوم لكن امني تموت مو تنام))
جاب الحزام وشحطها به قامت زي المجنونه
اماني : ها وش فيه احد مات
خالد : استغفر الله اقول قومي خليني اوديك السوق
اماني : أي سوق..؟؟ وليه ..؟؟
خالد : كلام الليل يمحوه النهار
مو انتي البارح مسويتلي هواش مع ابوي عشان واديك السوق
عشان وراك سفره للرياض
اماني : ايه صح والله ذكرتني يلا دقايق وابي اجهز
خالد : استناك تحت اخلصي بسرعه لا تتاخرين (( من عوايدها التاخر ))
اماني : قلت لك دقايق
خالد وهو خارج من غرفتها: انتي دقايك عباره عن ساعات
اماني : عناد لك ابي اتاخر واللي في راسك سوه
خالد :ههههههههه عنيده

ــــــــــــــــــــــــــــــــــــــــــــــــــ ـــــ

في بــيــت ابو احمد (( عبد الرحمن )) بالرياض :-
الاب كان يقرا جريده بالصاله جاء عنده احمد
احمد : يبه ممكن اتكلم معاك شوي
ابو احمد : ايه ممكن ليش لا
احمد:يبه انا ما ابي احضر يوم الاجتماع للعايله
ابو احمد ليش ان شالله ..؟؟ بعدين هذا اليوم محد يتخلف عنه الكل يحضره

احمد : يبه انا مابي احضر كله مشاكل وهواش وانا مابي اتمشكل مع خويلد
ابو احمد : اولا اسمه خالد
ثانيا بتحضر يعني بتحضر انا ابيك عون تطلعلي فرعون
اوف من ذا اليوم اللي من بدايته نكد بنكد
عصب ابو احمد وصعد داره
جت ام احمد وقالت: انت وش قلت لابوك يوم انه عصب
احمد : ما قلت له شي يزعل بس قلت يبه مابي احضر الاجتماع حق العايله
ام احمد : هذا كله وما قلت شي
احمد : اوووووه خلاص سكري على الموضوع
راحت امه عنه
قعد يتفرج على التلفزيون وشوي الا دق جواله
.....: الوو
احمد : هلا رئود شلونك يالدب
رائد (( يسير صديقه )): هلا فيك تمام انت شلونك
احمد : الحمدلله زين ما علي خلاف
رائد : ايه تعال ها وش قلت لابوك
احمد: قلتله اني ما بي اروح عصب علي وقام يهذري ويهاوش
رائد : هههههههه الله يعينك على ابوك بس بتفوتك سهره مع الشباب
احمد :خيرها بغيرها ايه رائد انا ابي اكلمك بعدين
رائد : اوكيه يلا باي
احمد : باي
ــــــــــــــــــــــــــــــــــــــــــ
بــيــت ابو خالد:-
خالد : امــــــــانـــــــــي
اماني : وجع خير وش فيك تصارخ
خالد : يوجع العدو يلا اخرتيني ابي اروح مع الشباب
جت امهم على صراخهم
ام خالد: وشفيكم ..؟؟ صراخكم واصل خر الشارع
اماني : خالد يدلع تاخرت دقيقه وقام يهاوش
خالد : اااه يالكذابه والله يبيلك شحط بالعقال
ام خالد : يلا روحو لا تتاخرون زياده
خالد: وانتي الصادقه يلا مع السلامه
اماني : مع لسلامه يمه
ام خالد :بحفظ الرحمن

هذا الجزء عباره عن تعريف بالعايله وحياتهم
وترقبوا الاحداث بالاجزاء القادمه

عاشقة كاكا · 09-11-2008, 08:40 PM

يسلموووووو هموسه قلبي

همس الجراح · 09-11-2008, 09:18 PM

مشكوره على مرورك

(( الجزء الثاني ))
((بوابه الحب))

بيت ابو سعد(( بالليل )):-
منى كانت بغرفتها تذاكر وتحل واجباتها
طق طق طق<<<<مؤثرات صوتيه
منى : ادخلي يمه
ام سعد : يلا يا بنيتي العشا زاهب
منى : مابي
ام سعد : ليش يا بنيتي ..؟؟
منى : يمه علي مذاكره وانا الحمدلله شبعانه مابي شي
ام سعد : عيل بجيب لك عصير برتقال
منى : مشكوره يمه
خرجت امها من الغرفه
فتحت منى الدرج وطلعت صورة اخوها سعد
ضمتها وقعدت تبكي الين نامت فوق الطاوله
اليوم الثاني :-
قامت ام سعد من النوم وشافت الساعه6:30 صباح فزت وهي خايفه
عشان منى محد قومها اول ما دخلت بغرفتها لقيتها تتجهز
منى : امي وشفيك مخترعه
ام سعد : والله يا بنيتي فكرت محد صحاك ولا بعد تجهزتي
منى : لا تخافين علي مؤقته الجوال
ام سعد : يلا اكيد السايق ينتظرك
منى : ان شالله يمه
راحت منى مدرسها لكن كل فكرها بخوها سعد تقول
ياليت يرجع كان بتكون حياتهم سعيده

وصلت منى المدرسه
دخلت وشافت صديقتها حنان تنتظرها
منى : حنانوه شلونك يالدبه..؟؟
حنان : هلا منط تمام انتي شخبارك ..؟؟
منى : ماشي الحال
حنان : ليش ساير شي بالبيت
منى : الا اشياء مو شي
حنان : وش ساير
منى : عمامي مسوين اجتماع عشان يقسمون الورث
ويا خوفي يتهاوشون مثل كل مره
حنان : لا ان شالله مافيه الا الخير
منى : ان شالله

دق الجرس صفوا طوابير
دخلوا فصولهم راحت الحصتين الاولى ومنى ماكنت منتبه للدروس
والمعلمات عاذرينها
جت حنان عند منى بالفصل
منى: هلاهلا اسفرت وانورت
حنان : هلا فيك
منى: خير ليش جايه ..؟؟ مو من عوايدك
حنان : بلى ما تبيني اجي خلاص رايحه
منى: اقول اقعدي وقولي وش تبين
حنان : منى ابي اهرب من الحصه
منى : لا لا لا كل شي ولا الهروب من الحصص
حنان : منى بلا بياخه يلا خلينا ننزل بسرعه قبل ما تجي المعلمه
منى: زين زين جايه
حنان : ايه وجيبي عبايتك معاك
منى : ليش ..؟؟
حنان : ياكثر اسئلتك
منى : وانتي يا كثر طلباتك
اخذت منى عبايتها وما تدري ليش بس ما همها الموضوع

((منى وحنان صديقات من ايام الطفوله وام حنان صديقه ام منى
يعني مثل خوات واكثر ))

نزلوا الساحه
منى : تعالي حنان ابي اشتري من المقصف
حنان : اوكي
منى اشترت جلكسي يالكراميل وحنان جلكسي فلتات (( ابو اصباعين))
خلصت حنان اكل لكن منى بعد تاكل بشويش
حنان : يلا خلصي
منى : مابي انا ابغى استلذ بالطعم مو مثلك
حنان: اقول بلا هذره زايده
منى : هههههههه ايه تعالي باين ان في فمك كلام تبين تقولينه
قولي لا تستحين
حنان : ما شالله عليك شلون عليك
منى : سر المهنه
حنان : اقول لا يكثر بس
منى : ها وش عندك
حنان : اسمعي اخوي برى ينتظرني بيهربني من المدرسه وانتي تعالي معايه
منى : حنانوه انتي تتكلمين من عقلك
حنان: ايه وش فيك
منى : لالا منتي بصاحيه
حنان : يلا قومي
منى : انزين وش اقول لامي اذا جا السايق وما لقاني
حنان : بعطيك جوال ياسر وقوليلها بترجعني حنان
منى : اوك
حنان : يلا تحركي خلينا نخرج
اتصلت حنان باخوها وقالتله انهم بيخرجون عشان يزبط الامور مع الحارس
منى : الله الله وجايبه الجوال بعد
حنان : خخخخ كل يوم اجيبه مو اول مره
منى : والله انك داهيه
حنان : يلا يلا حركي
خرجوا من المدرسه والحارس ما شافهم لان ياسر كان مزبط الامر
(( ياسر يسير اخو حنان))
راحوا المطعم افطروا وراحوا السوق قعدوا يلفون فيه

بعدين وصلوا منى لبيتها (( ياسر يحب منى بس ما علم احد ويبحها بجنون ))

بيت ابو خالد :-
ام خالد : اماني
اماني : سمي يمه
ام خالد : سم الله عدوك يلا تجهزي عشان اخوك يوديك المطار
اماني : حاضر يمه
ام خالد: لاتتاخرين
اماني : ان شالله
تجهزت اماني وركبت السياره مع اخوها عشان يوديها المطار (( رايحه للرياض))
اماني : ليش ما تجي معاي ..؟؟ ما تبغى ..!!
خالد يقول بنفسه وشلون ما ابي وحبيبة عمري هناك : لا السالفه موكذا بس عندي شغل
اماني : ياالله خيرها بغيرها
ــــــــــــــــــــــــــــــــــــــــــــــــــ ـــــــــــــــــــــــــــــــــــ
بيت ابو سعد :-
دخلت منى على امها بالمطبخ
منى : يمه يمه
ام سعد : هلا بنيتي
منى : يمه بروح عند حنان
ام سعد : لا مافي روحه
منى استغربت اول مره امها تقولها مافي روحه عند حنان العاده تقول لها روحي
على طول جا في بال منى انها درت باللي سار بالصبح
منى : ليش يمه ..؟؟
ام سعد : تروحين تزعجين الناس
منى في نفسها اووووه اشوى فكرتها درت
منى : لا يمه ام حنان عزمتني وقالت لي تعالي
ام سعد : خلاص قفلي على الموضوع
منى : حاضر
زعلت منى ومع الزعل نسيت تخبر حنان انها ماراح تجي
وقعدت تتفرج تلفزيون وشوي الا يدق الجرس
ام سعد : منى منى منى
منى : نعم يمه
ام سعد : روحي افتحي الباب
منى : حاضر
فتحت منى الباب وشافت بنت عمها العزيزه اماني
صرخت صرخه فجعتها
منى : امـــــــــــــــــــانــــــي
على طول ضمتها
اماني : ههههههه بشويش علي
منى : وي يابعد عيني والله اشتقتلك يالدبه
تعالي ادخلي يلا
دخلت وقعدوا مع بعض وسولفوا
منى :يمه اسمعي انا واماني بنروح عند حنان
اماني : ايه والله فكره بعدين انا مشتاقه لها حييييل
ام سعد : ماعندي مانع انا كنت ما ابيك تروحين عشان اماني
بتجي عندنا حبيت اسويها لك مفاجئه
منى : الله يسعدك يمه ويسعد مفاجئاتك
قاموا البنات بدلوا هدومهم وركبوا سيارة السايق
وراحوا عند حنان

بيت حنان :-
فتحت حنان لهم الباب: يا هلا ويامرحبا
هلاااا اماني والله اشتقتلك وينك
اماني : وانا اكثر يا بعدهم
حنان : حياكم تفضلوا البيت بيتكم
جلسوا البنات وسواليف وضحك
منى : حنان ابي اروح عند مراية الحمام ابي ازبط شكلي
شوفي لي طريق
حنان : روحي ما فيه احد ياسر راح
منى : ايه زين

راحت منى تزبط شكلها والمفاجئه
لقيت ياسر وراها

منى مصدومه : يا سر ااا
ياسر : ايه ياسر (( في نفسه فديت صوتك ))

.........

يـــــــــــــتــــــــــــــبـــــــــــــع

المتفائل · 09-11-2008, 10:04 PM

يعطيك العافيه اخوى
على روعه القصه

همس الجراح · 11-11-2008, 05:13 PM

مشكور على مرورك

بس انا بنت

خخخخخ

همس الجراح · 11-11-2008, 05:31 PM

اهئ اهئ

وين ردودكم

هــمــســ الخــيــالــ · 11-11-2008, 05:47 PM

يسلموووووووووو

بس وين الباقي

همس الجراح · 12-11-2008, 08:03 PM

(( الجزء الثالث ))
(( بوابة الحب 2 ))

بيت ابو خالد :-
كان خالد وابوه قاعدين بالصاله وخالد مشغول باله باللي يبحبها واللي هي
منى
ابو خالد : خالد خالد
خالد كان مسرح وماسمع ابوه
ابو خالد: يا

روايه ((منى)) منى عيني ||~

القصص والروايات