قمة اللقافه....

أميرة الدلع · 08-03-2008, 07:00 PM

قمة اللقافه اذا كنت قاعد تكلم بالتيلفون ويمك واحد من ربعك ولما تسكر التيلفون يقولك منو هذا وشنو السالفه....ياااااااااخي انت شكوووو

قمة اللقافه اذا كنتي طالعه انتي مع رفيجتج ووحده كل شوي تدق عليكم ها وين بتروحون وين بتعشون.....يعني مانبيج معانه بعد ليش اللزقه

قمة اللقافه اذا كنت شاري شغله ومستانس فيها واييك واحد ملقوف يكسر مجاديفك يقولك يااااااه في ارخص منها عاد قصوا عليك......

قمة اللقافه اذا قلت حق الربع منو يبي عشا ترى بنطلب وواحد يقول لالا انا شبعان ولما يوصل العشا يتليقف ويقعد يطقطق بالبطاط مالكم....يعني مستحي الاخ

قمة اللقافه اذا واحد معروف عنه ان عينه حاره وشاف عندك شي حلو ويقولك شوف يا تعطيني اياه ولا
ترى بصكك بعين....شكوووووووووووو

قمة اللقافه اذا واحد من الاهل كل ما يشوفك يسألك ها فلان متى التخرج وجم معدلك.....بس عاد شقيتني

اذا كنت قاعد بالدوانيه وواحد من الربع ملقوف ياخذ تيلفونك من غير ما يستأذن يبي يشوف الصور والمسجات

قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون شنو صاير

قمة اللقافه اذا قاعدين تبنون بيتكم والناس كل شوي ها ليلحين ما سكنتوا....اي فهموا السالفه مافي بيزات بعد شنو

قمة اللقافه اذا كنت شاري سياره ويسألك واحد هاااااا يافلان شريتها كاش ولا اقساط.......انا اقول لي شريت انت كاش انا اشتري

قمة اللقافه اذا كنت قاعد تقرا الجريده ومنهمك فيها وتبي تقلب الصفحه ولا اللي يمك يقولك صبر صبر قاعد اقرا لا تقلب.....اي مو صار لها ساعه مقطوطه ماقريتها الحين صارت حلوه

قمة اللقافه اذا كنت نايم وحد الاحلام السعيده واييك واحد ويحط كلينكس بخشمك او
اذونك.....اعتقد بتسبه سبه قويه بقلبك

قمة اللقافه اذا كنتي شاريه جنطه اصليه واتيج وحده ملقوفه وتقولك اذا الجنطه اصليه وريني الكرت مال الكفاله....عفيه انتي شعليج

قمة اللقافه اذا وحده حلوه طق عليها بنشر تعال شوف مليون واحد يصير لها سوبرمان......الله يعين

قمة اللقافه اذا عندكم عرس وادق عليكم وحده تصير لكم من بعيد تقول ابي بطايق زياده .....حمدي ربج عازمينج بعد

قمة اللقافه اذا كل ما تشترين شي وحده من رفيجاتج تقولج من وين شاريته وتروح تشتري نفسه

قمة اللقافه البنغاليه اللي يوقفون عند الاشارات بالعيد ويطالعك ويقولك سلام عليكم بابا ويعيدها مليون مرة

قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر شعندكم.......اوووووووووووف ودي ابط راسها

قمة اللقافه اذا فتحت محل والله وفقك ويالك واحد ملقوف يسألك جم اجارك وعسى موفي اجارك وجم اجار العمال.......اي قول بصكك بعين وفكني

قمة اللقافه حق الناس اللي قاعدين يستعملون
برامج عشان يشوفون خصوصيات غيرهم بالموبايل والايميلات

قمة اللقافة يدخل عضو على الموضوع وما يرد <<<<<< تموت من القهر هههه

منقول للضحك