!... خلف قضبان القوافي ( لـعبه شعريه ) ...!

ساهر الليالي · 19-04-2008, 07:59 PM

صح نسيت اختار الي بعدي

طيب راح اختار العضوه "رماد الشوق"

وابي منها..

قصيده في شمر

أبيات شعريه تعجبك ودائما ترددينها

قصيده على ذوقك..

وبس ان شاءالله ماكثرت عليك في الطلبات..

مفهــ 2008 ـــية · 22-04-2008, 10:42 PM

وينك يارمودة اين طسيتي <<< يمديك على اللغه

رماد الشوق · 24-04-2008, 09:47 PM

مــرح ــبــا..

مسـاؤكــمـ شـــعــر..

اتمنى اني ماتأخرت عليكمـ..

وتفضل طلباتك ياسـاهر:

1-قصيده في شمر:

من يم نجد وشرق مكه وطيبه
لين الديار اللي جنوب القريات
جيت بخفوقي شوق ماينحكي به
اكبر من حروف الشعر والكتابات
شوق ِ مهو شوق الحبيب لحبيبه
شوق الطنايا للكرم والجمالات
ولو قالوا ان الدار ماهي قريبه
بقول : يعني ماتهون المسافات
ماهم بربعي بالليالي الصعيبه
أجل وربي ماحسبت المشقات
(شمر) ليا صك الصليب بصليبه
إهجد ياجن وإنس لأهل الطويلات
يرضخ لهم هالطيب حشمه وهيبه
ويرفع لهم بالعز بيرق ورايات
ومن مرهم طرقي بيآخذ ضريبه
فنجال ٍ أشدى من خضاب الخوندات
والموقده تشهد براس الرقيبه
ومن طيبهم ماينزلون الطمانات
(والشمري) من طيب راسه وطيبه
به ميزة ٍ عدّت حدود المروات
لاثارت الفزعات .. لاتنتخي به
لأنه يثور من الطنا دون فزعات
الله خلقهم للمصيبه مصيبه
وللنار نار وللمعالي ريادات
وللموت موت ولللهيبه لهيبه
وللطيب طيب وللمراجل سيادات
لكن بهم حاجه ولاهي غريبه
يمكن يخون إبها الشعر والعبارات
إليا بطشوا خلو المضارب عطيبه
وإليا عطوا مامدوا إلا الجزيلات
ما ارفع مكانتهم بشعر ٍ اجيبه
هم يرفعون حروف شعري مقامات
وآخر ما اقول بهالشعر وانتهي به
بحطها بقوسين وأربع علامات !!!!
(الشمري ! عيبه ! وعيبه ! وعيبه
إليا ارتكى للحمل شال الثقيلات ) ..!

2- أبيات شعريه دائما ارددهـا:

دنيا غريبه والبشر مثلها أغـراب .:. لو هي صفت لك ماصفوا لك بشرها

* * * *

تعبت أدور بـ القلوب البارده ليلة دفا.:. وألقى استغلال النفوس وكذبها وجحافها

حتى أقرب العالم لو يوقف معك وقفة وفا.:. أصبر وتدري وش دوافع وقفة وأهدافها

3- قصيده على ذوقك:

كثيره هي القصائد الي تجبرك على التأمل وتشعرك باالرغبه في إعادة التمتع بها
ولكن أقربها لي قصيدة "حكم القدر" لـ / محمد البراهيم

يا صاحبي مافادنا كثـر الاحـلام
واللي بخاطرنـا عجزنـا نطولـه
ماتت امانينا علـى كـف الايـام
وحكم القدر فارض علينا ميولـه
نمشي ورى والوقت يمشي لقـدام
ضعنـا وضيعنـا كـلام نقـولـه
تعبيرنا ماضمتـه روس الاقـلام
تكسرت كـل الحـروف بسهولـه
طيف السهر في نظرة العاطفه حام
يرمي شباكـه للعيـون الخجولـه
نسهر وتسهرنا مقادير الاعـوام
ودروبنـا متفـرقـه ومعـزولـه
العمر ولى والبخت طـاح ماقـام
والحظ وقـف والليالـي عجولـه
نصبح على هم ونمسي على اوهام
وظيم الدهر بالدرب نـوخ ذلولـه
احلام عشنـا وافترقنـا بالاحـلام
نحلم ونحلم من زمـان الطفولـه

وسلاااااااااااامتكمـ..

وراح تكون بعدي,,

العضوهـ

" حبيت دنياكـ "

ماراح اطلب كثير ابي اي قصيده لشاعر/ جابر بن هايف العتيبي

والله يعطيكم ألف عاااااافيه..

سرالمحبة · 07-05-2008, 12:49 AM

مهوب كنها طولت أختنا حبيت دنياكـ

أتوقع ما عندها علم بأختيارها ..

صرقوووعه · 07-05-2008, 02:25 PM

امممممممم ,
عني اقتراح

مو أحسن لو صاحب الموضووع او آآخر عضو يتم اختياره
يرسل للعضو المُختار رساله يخبره باختياره بهالموضوع

عذبة الخاطر · 08-05-2008, 11:55 AM

طيب و الله فكرة
الموضوع رائع و يستاهل التثبيت بس محد طلب مني قصيدة مع اني مؤلفة اشعار و خواطر!!!؟

* حبيت دنياكـ * · 12-05-2008, 01:42 AM

اعــذروني على الاطاله ماكان عنــدي خبـــــــــــــــــر !!

هذي القصيده للشاعر ( جابر بن هياف العتيبي ) ,

ذبحني هالسؤال أرجوك قلي بـس وش جابـه..؟؟

دخيلـك ليـه تتعمـد مـع ضحكـك تبكيـنـي..؟؟

من البارح تعيـده هالسـؤال وتطـرق أبوابـه..!!

على نفس الطريق اللـي تجـي منـه تودينـي..؟؟

ياأخي وش تبـي منـي وحزنـي وش تلقابـه..!!

يهمك إيش في هـذا.؟ عذابـي وإنخلـق فينـي.!!

تبي تعرف حكايـة شاعـر جمهـوره أحبابـه..!!

تبي تعرف يصفـق ليـه جمهـوري ويحيينـي..؟؟

لأن الشعر عنـدي ماهـو بـس أوراق وكتابـه..!!

ولاني من فراغ أكتب وأبـي تكثـر دواوينـي..!!

تبي تعرف شاعر ليـه؟؟ هـاك الشعـر وأسبابـه؟؟

تبـي تعـرف مكانـي وين.؟؟رتبهـا وتلاقيـنـي.؟

فقر مال.. فقـر حـال.. وفقـر حيلـه وطلابـه..

فقـر حـظ كريم..أمـدلـه كـفـي ويعطيـنـي..

فقـر دين..فقـر دنيا..وجـوع تنهـش أنيـابـه..!

فقـر راحه..فقـر صحه..فقـر فرحـه تنسينـي..

فقر.أيه الفقـر يعنـي ضيـاع العمـر وركابـه..

فقر يعنـي فقـر يعنـي عـذاب وظيـم مالينـي..

وراس الفقر..وراس الجوع..وعمر طارت أسرابه..

وحـق الدرهـم اللـي مانـوى مـره يخاوينـي..

رضعت الويل من صغري ولبست الحزن وثيابـه..

على شط الشقاء مولـود وهمـي كـان يروينـي..

تقطع وجهـي وجلـدي بنـاب الفقـر ومخلابـه..

ولكنـي عزيـز النفـس ولـو أحتـاج تغنيـنـي..

كساني ثوبـي المشقـوق وبيـن النـاس أزهابـه..

وكلـن يلتفـت يمـي يظـن بتنكـسـر عيـنـي..

حشا ماتنكسر عيني وأنـا اللـي وقتـه يهابـه..!!

عزاي أني فقيـر وصـارت النظـرات ترمينـي..

عيـون النـاس تطعني..وكلـن يغـرس أحرابـه..

بعض عيون أقدرهـا وبعـض عيـون تدمينـي..!!

وشلـي مابعـد قلتـه وتبغـى تعـرف أعرابـه..

مضـت ساعـات أتكلـم وأنـت بـس توحينـي..

تبي تعرف حكاية عشق وبنـت حييييييـل لعابـه..

تبي تعرف عن أسباب الجفـاء مابينهـا وبينـي..؟؟

تخيـل جتـنـي وقـالـت فـمـان الله يابـابـا..

تشـرفـنـا بمعرفـتـكـويالله لاتـأذيـنــي..!!

وأنا أعشقها "ثمان سنين" وهي (تلعب وكذابـه)..!!

تسلـي نفسـهـا فيـنـي ونيتـهـا تخليـنـي..!!

تبي تعرف حكايـة قبـر وطفلـه تسكـن ترابـه..

تبـي أقولـك مظلـوم ودم الطفـلـه بيديـنـي..

تبي تعرف وش الغربه ومن اللي طـول غيابـه..؟؟

تبي أحكي قبـل أعـوام بالتفصيـل أنـا وينـي.؟؟

تبي أحكي لك عن الزاهد وعن ذنبه في محرابـه..

دخيلك ماأقدر أتكلـم خـلاص أرجـوك أعفينـي..

قسـم بالله فـي صـدري مدينـه تلتحـف غابـه..

مدينـه ساكنـه قلـبـي وغابتـهـا شراييـنـي..

دخيلك سكر الموضـوع وشفلـك شـي تسلابـه..

أنـا منـك ألاقيهـا أو ألقاهـا مــن سنيـنـي..

* حبيت دنياكـ * · 12-05-2008, 01:45 AM

اللي بعدي اختــار ( عذبه انا )

واطلب منهــــــــــا قصيده للشاعر ( محمد السهلي ) وتكون القصيده عتـــــــــــــــب !!

عذبــه انا · 15-05-2008, 10:57 AM

8

يـآآآآآآدبه حرآم عليكـ ترى مـآلي ومال الشعر

بس اذا تبين لـ ناصر الفراعنه ماعرف الا ناقتي

< سوي اللي عليكـ وأنتي سآكته

بس ولآ يهمكـ عشآنكـ أجيب أشعـآر مهوب شعر وآحد

!... خلف قضبان القوافي ( لـعبه شعريه ) ...!

نبض القوافي