تعآآلوآ هنيآ في ذآ خلونا نفرفش شوي (متجدد) ..

20-03-2008, 11:13 م

سلآآآم علييييكم

.. وش حالكم يالربع ..

واللهـ وانا اخوكم تعرفون يعني حنا ذحين مخلصين الاختبارات ونبي نفرفش شوي نفرغ

الشحنات الاختباريهـ >> متاثر بالفيزياء

الوكاد اني هنا جايب لكم موقف حصل معي من فتره قريبه قبل الشتاء وهو موقف

محرج من المواقف اللي مريت فيها ,,

يا طويلين العمر ..

في ذاك اليوم صنفت في راس الشايب انا نروح للشاليهات بالويك اند >> واللهـ الشايب

بتاعي حركتات حق اكشن

المهم حنا ما صدقنا خبر وقلنا قدآآم دانها في خاطرك يا يبه

وصلنا ولله الحمد ولن امة محمد هناك يووووووووه زحمه على كيف كيفك

المهم تدرون طبعا في كل تمساح خصلة هياط

يعني اي مكان فيه سحالي لازم يرز نفسه

وهنا جا دوري يوم قلت لازم ازعط شوي عندهم

فكرت امممممممم.. ولقيتها والله يا الدحمي

جي تي سكي >> استعرض يالذيب عند ذا العالم وورهم من تكون

النظام اللي هناك لازم 500 ريال تامين

وانا ما معي الا 200

واقرب صرافه برا الهاف مون بكبره >> على ذاك الوقت

المهم توجهت للشايب الله يحفظه ويخليه فلت له ابي كيت وكيت

قالي قم انقلع مناك ما عاد الا هي واللهـ ان تبطي ما عطيتك

على ذا الخرابيط >> تعرفون الشياب الله يهديهم ما يحتاج >> وين بتاع الاكشن

والفله يالنصاب

المهم قلت ما في الا ماما حبيبة البي >> توها حبيبة البك وهي قبل شوي تبيك تروح

الماركت تجيب جرايد وانت تقولها يمه حنا هنا نفرفش مو نتابع اخبار ذا العالم

المهم تعرفون قلب الام ما يدعيها تخلي ولد يطلع وهو زعلان

فكت لي البتاع وطلعت لي ال 500 كفو والله يالكاش

المسكينه ما امداها تقول انتبه لنفسك الا ما تشوووف الا غبار رجولي

والله واروح يالربع واطق لي ذاك الجنز والالفانيله الكت

والطع من ذا الجل بشعري وكريم واقي الشمس >> هع طلعت الفضايح

المهم الساعه كانت حزتها حوالي 3 عصرا

وبدون مقدمات طرقت باب ابو فسيه = هندي >> للي ما يدري

وطلع بذاك الوزار والكشه وريحة الاندومي

وقالي ايش ابقى >> ايش ابقى واتله من فنيلته واقول لها انا ابستاجراخلص علي

قال نزام ممنوع لازم 4 >> لحوول وش يصبرني ساعه كامله

المهم ما عاد الا هي وش اسوي والله وانشب له اللساعه4 عند بابه >> والله يالقراوه صدق

جات الساعه 4 ولا طلع الخايس ادق الباب ما رد

ولد حول يمين يسار المهم وانواع التفجيييير عند بابه >> هع ركوود خويكم عصب

المهم طلع لي >> العيون حمر بس من جد هالمره كشه

قال لي انا في روه البس وغسيل >> خير ابصور معك انا قم وقع العقد بس قم وبعدين

تمكيج ان شا الله بس خلصنا

المهم والله انا بس عطيته الفلوس بدون سترة نجاه ولا هم يحزنزن طوالي عالجي تي

>> والله في ذاك الوقت اول مره اسوقه

شغله لي وقام يعطيني الاوامر >> قسم لواني ابسوق صاروخ ما سوى كذا

والله ماني حوله هو شغل الدباب بس >> واحلى غسيل له يالربع >> هواللي قال انا ابي غسيل

المهم حركت من عنده انا و اصبعي على طرف الريشه حقت البنزين ووجهي قالب احمر>> وين اللي بيستعرض والخرابيط ذي

الوكاد واشوف لي شلة سحالي جالسين عالبيتش قلت هلا هلا والله لا اسوي لهم احلى غسيييييل

انا ما قربت من عندهن الا واسمع عن عن عن التفت يمناي الا ذاك اللي جايني يمشي طبلونه

المهم ويطشر علي >> عشان اكون صريح سبحني والله

وراح الجل واخترب الشعر والسحالي اصوات ضحكاتهن صلقعه باذاني

والله واعتزي ابن فـــــلان >> عزوة قبيلتي >> والله ما حولك احد

قلت والله ما يروح بها

ولاول مره ادوس البانزين كامل يوم قام يطامر صح>> تهيضت من جد عالصوت كل ما ضلربت بمطب قصدي موجه

المهم يوم قربت منه واهوزها يمين والثانيه يسار >> بينطل الاخ

الا ما وعيت الا بوووووووووووم طشششششششششش

والله يالربع ما دريت الا وانا متشقلب وطايحن في ذا >> تمنيت ساعتها الارض تنشق وتبلعني >> ليتس يا يمه ما عطيتيني ذا ال 500

يوم من جد السحالي قام يضحكن كااااااااكاككاككاكككا >> مو بس هن كل ابو اللي في البيتش والله

>> والله اني افكر ساعتها اقول اطلع والا اجلس بس على اني مت واتجنب الفشيله وقطعت الوجه اللي ما لها داعي

قلت لا انا ركوود يا حبيبي والله واقوم واطلع ويا ليتني ما طلعت كل سحليه >> بما فيهم

اختي رافعين الجوال يصورن >> عسى بس ما فيه وحده هنا منهن والله ان تروح غلطه يا ركوود

المشكله بس مو كذا المشكله >> من التكنولوجيا المتطوره لا جيت تسوق الدباب

يحطون لك زي السلك تربطه على يدك عشان لا طحت يطفي الدباب

وهنا اللي توهقت والله الدباب طفي ابيه يشتغل بس عيا لا يشتغل وهنا

سودت الدنيا بوجهي

>> اللا اسمع عن عن عن استانست احسبه ابو فسيه جاي ينقذني

يالربع هاذا اللي سبحني اول مره والله انه ناصيني طاااير لا ويبتسم بعد

>> قلت خلني ابتسم له يمكن يشفق علي ويساعدني

>>اي يساعدك اللي يرحم والديك اللا طشششششش عن عن طششششش

وعز التصوييير قايم الفلاشات يا عيال تضرب في عيوني>> قسم لو انهم شايفين مخلوق فضائي ما صوروا كذا

المهم وبعد ربع ساعه يوم غطى جسمي كتل من الملح

جا ابو فسيه تو الناس تكفى تعال >> لا وانا معصب واحط حرة قلبي في ذا المسيكين

المهم

ركب لي البتاع وشغل لي الدباب >> المسكين توه بيقول خلص الوقت والا احلى غسييييييل مستعجل

وعن عن والله اني ادور ذاك اللي سبحني يمين يسار ولد حول بدل ما فيه اثر

الخايس يوم شاف ابو فسيه جايني طق انحاش احلى زبنه

المهم بعد ما يأست عودت الدباب وانا حالف ساعتها انه اخر واحد اركبه

وانا بالطريق امشى >> جارا اذيال الهزيمه ولا ذا العالم ما فيه الا قوة ضحك

حتى الديناصورات = السحالي العجز يناظرن ويضحكن هاذا اللي تدربى من الدباب

وصلت للشاليه ومن ذاك اليوم وانا مسنتر فيه ما تحركت ما غير ادور ذاك الخايس >>احس انكم تدعون له

بس والله ربكم يحبه ما فيه اي اثر ..

هاذي الدنيا وانا اخوكم يوم لك ويوم عليك >> يرقع

يالله عاد بعد ما ضحكتوا علي لين قلتوا آآمين الله الله نبي كل واحد فيكم يحط له موقف محرج تعرض له او لواحد من اخوياه او شافه بعينه .. ودمتم بخير

20-03-2008, 11:20 م

ههههههههههههههههههههههههههههههههههههههه وآآوك,, مآشآء الله عليك وسييع صدر !!

إقتباس:

يعني اي مكان فيه سحالي لازم يرز نفسه

وهنا جا دوري يوم قلت لازم ازعط شوي عندهم

قلللة أدب خخخخخخخخ
مآودّك تغير مزآآجك لرآآعي هذرهـ ,, مآشآء الله يآكثرهآ هذرتك <بتتصفّق ..
كثّر لنآآ من هالموآقف خيّوو
لٍـٌـٍَيٍْ عَـًٍـْوْدٍَهْـٍ !
/
\
دحدورهـ

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط المتتابع التحول إلى النمط التشعبي التحول إلى النمط الأُحادي

مواقع ننصح بزيارتها
العاب فلاش	العاب	العاب اطفال	دليل العاب	العاب بنات	نكات ملونه
صور ماسنجر	ماسنجر	نكات ملونة	صور غريبه	انمي	افلام كرتون
بلوتوث	ترفيه	تسليه	نكت	الغاز	قصص
خواطر	حواء	الوفا	بنت نجد	بنات	العاب كمبيوتر
الجوال	التصميم	الرياضة المحلية	البرامج	سكربتات للماسنجر	CoH & CoH: Opposing Fronts
الرياضة العالمية	منتدى ترافيان	شات	دردشه	تحميل	شات
دردشة	دردشة	دردشه	شات صوتي